23:75  75  COMMENTARIUS  IN  GENESIN.  76  praestare:  si  quidem  crucis  tolerantiae  coniuncta  sit  peccatorum  cognitio,  quae  eos  ad  humilitatem  erudiat.  Verum  sola  est  fides  quae  tale  sacrificium  offerat  Deo:  sed  fideles,  quo  magis  laborant  in  quaerendo  victu,  maiore  profectu  ad  poenitentiam  stimulantur,  seque  ad  carnis  mortificationem  assuefaciunt  :  quanquam  saepe  filiis  suis  Deus,  ne  oneri  succumbant,  partem  huius  maledictionis  remittit.  Quo  etiam  pertinet  illud  (Psal.  127,  2):  Surgent  alii  mane,  sero  cubitum  ibunt,  comedent  panem  angustiae:  dabit  autem  Dominus  dilectis  suis  somnum:  quatenus  scilicet  per  Christi  gratiam  reparantur  quae  in  Adam  vitiata  fuerant  :  pii  Deum  magis  beneficum  sentiunt,  ac  paternae  eius  indulgentiae  dulcedine  fruuntur.  Sed  quia  in  optimis  quoque  subigenda  est  caro,  non  raro  contingit  pios  duris  laboribus  macerari,  et  interea  esurire.  Ideo  nihil  melius  quam  praesentis  vitae  aerumnis  admonitos  peccata  nostra  deflere,  et  levationem  petere  ex  Christi  gratia  quae  doloris  acerbitatem  non  mitiget  solum,  sed  etiam  dulci  temperamento  condiat.  Porro  non  omnia  incommoda  enumerat  Moses,  quibus  se  homo  per  peccatum  implicuit:  constat  enim  ex  eodem  prodiisse  fonte  omnes  praesentis  vitae  aerumnas,  quas  experientia  innumeras  esse  ostendit.  Aeris  intemperies,  gelu,  tonitrua,  pluviae  intempestivae,  uredo,  grandines,  et  quidquid  inordinatum  est  in  mundo,  peccati  sunt  fructus.  Nec  alia  morborum  prima  est  causa:  idque  poeticis  fabulis  celebratum  fuit:  haud  dubie  quod  per  manus  a  patribus  traditum  esset.  Unde  illud  Horatii  [lib.  L  Od.  3]:  Post  ignem  aetherea  domo  Subductum,  macies  et  nova  febrium  Terris  incubuit  cohors:  Semotique  prius  tarda  necessitas  Lethi  corripuit  gradum.  Sed  Moses  qui  brevitati  studet  suo  more  pro  communi  vulgi  captu  attingere  contentus  fuit  quod  magis  apparet:  ut  sub  exemplo  uno  discamus,  hominis  vitio  inversum  fuisse  totum  naturae  ordinem.  Si  quis  rursum  obiiciat,  nihil  fere  miseriarum  viris  imponi  quod  non  ad  mulieres  pertineat  :  respondeo,  id  consulto  fieri,  ut  discamus  ex  Adae  peccato  communiter  ad  utrumque  sexum  fluxisse  maledictionem  :  sicuti  testatur  Paulus,  omnes  in  Adam  esse  mortuos  (Rom.  5,  12).  Restat  una  quaestio  expedienda  :  quum  prius,  data  spe  veniae,  Deus  se  Adae  et  uxori  propitium  ostenderit,  cur  de  integro  poenam  ab  illis  expetere  incipiat.  In  illa  certe  sententia:  Semen  mulieris  percutiet  caput  serpentis,  continebatur  peccatorum  remissio  et  aeternae  salutis  gratia.  Absurdum  vero  est,  Deum  ex  quo  reconciliatus  est,  iram  suam  prosequi  re  ipsa.  Ad  hunc  nodum  solvendum  inventa  est  distinctio  duplicis  remissionis,  culpae  et  poenae:  cui  annexum  postea  fuit  satisfactionum  commentum.  Finxerunt  Deum  sic  absolvere