21:75  75  VIE  DE  CALVIN  76  se  reduiront  quand  ils  furent  advertis,  si  y  en  eut-il  qui  demeurerent  opiniastres,  et  nommement  un  seigneur  de  renom1)  et  homme  d'apparence  au  monde,  voire  qui  plusieurs  annees  avoit  fait  bonne  mine  en  l'Eglise,  assavoir  Iaques  de  Bourgoigne,  seigneur  de  Falaix.  Car  tant  luy  que  sa  femme  prindrent  la  leur  occasion  de  se  destourner  de  la  doctrine  de  ceste  Eglise,  quoy  que  leurs  amis,  leurs  domestiques  et  les  Ministres  aussi  leur  remonstrassent.  Cependant,  entre  autres  moyens  qu'on  suivit  de  reunir  tout  en  un  sainct  accord  de  la  Foy,  pource  que  lors  la  Cene  de  Decembre  approchoit,  il  fut  advise2)  par  la  compagnie  des  Ministres,  que  le  vendredi  18.  iour  dudit  mois  Calvin  traitteroit  tout  le  discours  de  ce  poinct  de  la  Predestination  en  la  Congregation  publique,  et  qu'apres  luy  tous  les  autres  Ministres,  tant  de  la  ville  que  des  champs,  diroyent  ce  que  Dieu  leur  avoit  donne  pour  protester  de  leur  consentement  expres  en  cest  article:  ce  qui  fut  fait,  et  mesmes  outre  les  ministres,  y  eut  encore  quelques  gens  de  bien  et  de  savoir  qui  declarerent  avec  grande  edification  ce  qu'ils  en  croyoyent.  L'acte  de  ladite  Congregation  a  este  imprime  depuis,  la  ou  la  chose  se  peut  voir.  [d  6]  Un  peu  apres,  assavoir  au  commencement  de  Pan  1552,  fut  imprime  le  livre  de  la  Predestination  et  de  la  Providence  de  Dieu,  ou  Calvin  a  deduit  ceste  saincte  doctrine  d'une  telle  facon,  qu'il  est  impossible  de  mieux.  En  quoy  il  a  comprins  <5e  que  croyent  touchant  ce  poinct  selon  les  Escritures  toutes  Eglises  fideles,  et  nommement  les  Ministres  de  l'Eglise  de  Geneve.  Il  mit  aussi  en  lumiere  son  premier  livre  des  Commentaires  sur  les  Actes  des  Apostres,  qui  est  sur  les  treize  premiers  chapitres.  Pour  ses  sermons  ordinaires  de  sa  sepmaine  il  com*  menca  Abdias  le  5  de  Fevrier,  apres  lequel  il  prescha  Ionas,  Nahum,  Daniel:  et  le  21  de  novembre  print  Ezechiel.  Ceste  annee-la  il  commenca  a  exposer  en  l'escole  les  Pseaumes,  ayant  acheve  le  livre  de  Genese.  L'an  1553,  environ  le  mois  de  Mars,  ayant  eu  nouvelles  que  M.  Guillaume  Farel  estoit  bien  malade,  combien  que  le  temps  fust  fort  incommode,  a  cause  des  pluyes  et  froidures,  il  se  mit  en  chemin  pour  l'aller  voir.  Ce  qui  fut  une  grande  consolation  audit  Farel,  d'ouir  encore  sur  la  fin  de  sa  vie,  comme  il  pensoit,  Calvin  son  ancien  compagnon  en  l'oeuvre  du  Seigneur,  et  lequel  il  avoit  tousiours  en  admiration  et  reverence  comme  un  vray  organe  de  l'Esprit  de  Dieu.  Or  Calvin  y  ayant  demeure  quelques  iours,  voyant  que  c'en  estoit  fait,  et  que  sa  presence  n'y  servoit  plus  de  rien,  le  laissa  comme  tirant  a  la  mort,  et  ne  parlant  plus,  en  sorte  que  1)  consideration  F.  2)  trouve  bon  JP.