8:749  749  DE  SERVET.  750  ledit  Servet  envoyee  a  Mre.  Abel  ministre  de  la  parolle  de  Dieu  en  ceste  cite,  sans  date,  laquelle  ledit  Servet  a  recogneue  avoir  escripte,')  ensemble  aussi  les  postilles  sus  linstitution  lesquelles  luy  sont  este  exhibees  et  il  confesse  avoir  escriptes  de  sa  propre  main.  38.  Sus  le  38  il  le  confesse.  Et  eulx  disent  quilz  ses  (sic)  contredit  luy  mesme  et  varie  en  ses  responces,  quant  il  dict  quil  sest  cache  dudit  Guillaume  Gueroult,  et  puys  a  dict  que  ledit  Gueroult  luy  peult  bien  avoir  ayde  a  corriger.  Et  sont  ycy  este  leues2)  lesdites  responces  faictes  par  ledit  Servet  tant  devant  le  lieutenant  que  devant  Messieurs,  lesquelles  sont  estees  trouvees  variables.  Icy  ledit  Colladon  parlier  predict  demande  cognoistre  ses  proves  estre  suffisantes  et  pour  ce  estre  decharge  et  libere  de  ladstrainte  out  ledit  Nycolas,  ensemble  sa  fiance,  sont  avec  condemnation  des  despens  et  interetz  en  la  personne8)  suportez.  Icy  lassistance  ayant  veu  les  provez  et  produictes  faictes  de  la  part  de  partie  instante  pour  ce  que  assez  apert  icelluy  estre  criminel,  ledit  Nycolas  principal  ensemble  sa  fiance  soient  des  ceste  heure  et  desia  liberez  comme  on  les  libere,  j^uant  aux  despens,  ilz  sont  laissez  en  fin  de  cause.  En  apres  ledit  Servetus  est  este  interroge  de  ce  et  a  respondu  quil  demorit4)  que  deux  iours  en  prison,  et  puys  de  matin  sen  sortit.  Oar  le  Viballif  qui  luy  portoit  faveur  commanda  au  ieolier  de  le  laisser  aller  par  ung  iardin  et  de  le  traicter  bien,  pour  ce  quil  avoit  ayde  de  la  medecine  a  Monsieur  de  Mangeron  duquel  ledit  Vyballif  estoit  amys.  Et  de  ce  iardin  il  monta  par  une  muraille  et  sus  des  treulles  et  puys  se  saulva  et  prit  le  chemin  pour  aller  contre  Espagne  dempuys  il  sen  est  revenu  a  cause  des  gendarmes  quil  craignoit  et  sen  vouloit  passer  par  icy  et  par  allemagne  pour  aller  de  la  les  mons  pour  exercer  la  medicine.  Interroge  de  son  argent,  respond  que  on  oste  point  largent  aux  prisoniers  en  ce  lieu  la.  Interroge  sil  a  point  envoye  nulle  part  de  ses  livres,  respond  que  non  pas  luy,  mez  limprimeur  qui  en  envoye  a  francfort.5)  Interroge  de  la  quantite  des  livres  imprimez,  respond  quil  en  furent  imprimez  mille.  Il  est  remys  a  continuer  ses  responces  de  iour  a  iour  et  dheure  a  heure.  Et  puys  est  este  pronunce  que  lon  libere  Mr.  Nycolas  et  sa  fiance  et  les  despens  en  fin  de  cause.  1)  Elle  se  trouve  inseree  dans  les  actes  de  la  procedure  v.  plus  bas.  (K.  XL)  2)  Trechsel:  la  (?).  3)  Trechsel:  prison.  4)  Trechsel:  donnoit,  5)  V.  plus  bas  la  lettre  de  B.  Arnoullet,  inseree  dans  les  pieces  de  la  procedure,  (N.  XIII.)