23:748  Apres  il  y  avoit  ces  tentations  grandes,  Que  Dieu.  luy  avoit  promis  de  luy  donner  la  terre:  et  cependant  on  le  chassoit  comme  s'il  n'eust  pas  este  digne  d'arrester  son  pie  en  lieu  qui  fust.  Dieu  luy  avoit  promis  semence:  voire  mais  il  vient  iusques  en  [pag.  230]  l'aage  de  quatre  vingts  ans,  et  sa  femme  est  sterile,  en  sorte  qu'il  sembloit  que  ce  fust  une  mocquerie  de  toute  ceste  promesse.  Est-il  venu  en  l'aage  de  cent  ans?  il  a  Isaac.  Voire  mais  il  faut  qu'il  chasse  et  bannisse  Ismael,  comme  nous  avons  veu.  Si  nous  pouvions  bien  gouster  ces  tentations-la  il  est  certain  que  ce  seroit  pour  nous  ravir  en  estonnement,  de  ce  qu'Abraham  a  eu  une  telle  vertu,  et  telle  constance  de  foy  de  batailler  contre  tels  assauts,  et  tousiours  les  surmonter.  Or  donc  quand  il  est  dit:  Apres  ces  choses:  c'est  pour  monstrer  que  Dieu  nous  a  voulu  donner  en  la  personne  d'Abraham  un  miroir  tel,  que  quand  nous  aurons  a  combattre,  il  ne  nous  face  point  mal  de  suivre  ses  pas,  et  que  nous  ne  trouvions  point  estrange  ou  nouveau  d'estre  conformez  a  celuy  qui  est  pere  de  toute  l'Eglise.  Mais  encores  il  est  certain,  que  quand  chacun  regardera  bien  a  toutes  les  tentations  qu'il  a  a  souffrir,  co  n'est  pas  la  centieme  partie  de  ce  que  nous  voyons  en  Abraham.  Ainsi  notons,  que  selon  que  t)ieu  luy  avoit  eslargi  de  son  Esprit,  aussi  il  a  voulu  esprouver  sa  foy.  Car  il  ne  faut  pas  que  les  dons  de  Dieu  soyent  oisifs  ni  inutiles  en  nous:  mais  il  traitte  chacun  selon  sa  mesure.  Car  il  nous  prepare  a  endurer,  autrement  nous  ne  saurions  pas  subsister:  nous  ne  saurions  aussi  remuer  un  doigt  pour  bien  faire  [pag.  231],  que  nostre  Seigneur  ne  nous  dispose,  et  qu'il  nous  en  donne  la  vertu.  Quand  donc  il  nous  met  en  combat,  il  employe  les  graces  de  son  sainct  Esprit.  Or  d'autant  qu'Abram  a  eu  une  grande  perfection  au  prix  de  nous,  selon  que  les  hommes  la  peuvent  avoir,  voila  pourquoy  aussi  Dieu  l'a  esprouve  de  facons  si  estranges  et  desquelles  nous  n'approchons  pas  a  beaucoup  pres:  mais  tant  moins  avons  nous  d'excuse  de  nostre  paresse,  froidure  et  laschete,  si  pour  le  moins  nous  ne  suivons  nostre  pere  Abraham:  et  si  nous  ne  pouvons  pas  avoir  une  constance  et  foy  egale  a  celle  qui  a  este  en  luy,  si  nous  ne  taschons  de  le  suivre  de  loin,  selon  nostre  portee  et  infirmite,  il  est  certain  que  nous  serons  plus  qu'inexcusables.  Ainsi  donc,  nous  avons  a  recueillir  de  ce  passage,  qu'Abraham  tout  le  temps  de  sa  vie  a  este  tormente  en  corps  et  en  esprit:  et  quand  c'est  venu  a  la  fin  Dieu  l'a  encores  voulu  esprouver  plus  vivement  sans  comparaison  que  iamais,  en  sorte  que  c'eust  este  pour  le  faire  desesperer  cent  mille  fois,  s'il  n'eust  este  conferme  d'une  facon  admirable  par  le  S.  Esprit.  Or  cela  nous  est-il  recite  d'Abraham?  ce  n'est  pas  a  fin  que  nous  ayons  simplement  sa  vertu  en  admiration,  pour