23:745  745  SERMONS.  746  comparaison  des  changemens  et  revolutions  ou  s'estoit  trouve  Abraham,  et  de  l'arrest  qu'il  avoit  eu  sa  foy,  de  la  constance  et  fermete  de  ne  point  varier,  quoyque  ce  fust.  Voila  donc  Abraham  qui  a  este  pourmene  de  coste  et  d'autre:  il  a  change  d'habitation,  mesmes  il  a  este  pousse  comme  la  paille  au  vent.  Tanty  a  neantmoins,  qu'il  a  cognu  qu'il  falloit  qu'il  demourast  ferme  en  Dieu,  et  que  la  foy  fust  tellement  fondee,  que  rien  ne  i'esbranlast,  et  qu'il  n'y  eust  point  de  variete  quant  a  sa  personne.  Voila  donc  comme  Abraham  a  tousiours  suivi  le  train  auquel  Dieu  l'avoit  introduit.  Et  ainsi  il  adore  le  Dieu  eternel,  le  Dieu  du  siecle,  combien  qu'il  semblast  que  Dieu  se  [pag.  224]  iouast  de  luy  comme  d'une  pellote,  le  chassant  ca.  et  la.  Or  il  est  dit  aussi  qu'il  habita  en  ce  pays  des  Philistins  par  longue  espace  de  temps.  Mais  le  mot  dont  use  Moyse  signifie  habiter  comme  estrangier.  Et  ceci  est  encores  bien  a  noter.  Car  combien  qu'il  eut  permission  d'habiter-la,  qu'il  y  fust  paisible,  et  qu'on  ne  luy  fit  plus  les  extorsions  et  violences  qu'il  avoit  souffertes  :  toutesfois  il  cognoit  qu'il  n'est  pas  encores  possesseur  de  ceste  terres  il  est  vray  qu'elle  luy  estoit  donnee  avant  mesmes  qu'il  y  entrast,  et  Dieu  avoit  ratifie  ce  benefice-la  plusieurs  fois.  Tant  y  a  qu'il  luy  a  este  dit;  Ta  semence  iusqu'a  quatre  cens  ans  sera  estrangiere  en  une  autre  terre.  Il  faut  donc  qu'Abraham  pratique  tousiours  ceste  doctrine,  c'est  assavoir,  d'avoir  repos,  neantmoins  qu'il  est  la  comme  estrangier  par  emprunt,  et  qu'il  faut  qu'il  ait  tousiours  un  pie  leve.  Brief,  qu'il  soit  comme  un  oiseau  sur  la  branche  ainsi  qu'on  dit.  Et  mesmes  voila  pourquoy  il  a  fait  hommage  au  roy  de  Gerar.  Car  il  ne  quitte  pas  la  donnation  qui  luy  avoit  este  faite  de  Dieu:  mais  pource  que  le  temps  n'estoit  pas  encores  venu  d'en  iouir  et  d'entrer  en  possession:  voila  pourquoy  il  se  contente  d'estre  estrangier.  Et  voila  pourquoy  aussi  nous  verrons  cy  apres,  qu'il  achetera  le  sepulchre  de  sa  femme:  voire  d'autant  qu'il  n'estoit  pas  encores  [pag.  225]  possesseur  d'un  pie  de  terre  et  ne  laissoit  pas  neantmoins  par  foy  d'avoir  receu  ce  qui  luy  avoit  este  donne.  Ainsi  nous  voyons  que  son  esperance  s'est  estendue  outre  la  vie  presente.  Et  cependant  nous  voyons  que  ce  n'est  point  sans  cause  qu'il  est  dit  au  Pseaume  cent  nonante,  que  Dieu  a  este  le  pavillon  d'aage  en  aage  a  ceux  qui  se  sont  fiez  en  luy.  Car  Abraham  estoit  expose  et  au  vent,  et  a  la  pluye,  et  a  tous  orages,  quand  il  habitoit  entre  gens  barbares,  pleins  de  cruaute  :  et  toutesfois  Dieu  luy  a  fait  ombrage,  voire  mais  ca  este  d'autant  qu'il  a  mieux  aime  quitter  la  terre  et  eslever  son  coeur  en  haut,  que  de  cercher  des  moyens  pour  acquerir  des  fonjis  et  des  heritages.  Il  a  donc  tellement  passe  par  ce  monde,  qu'il  ne  s'y  est  point  amuse.  Et  aussi  finalement  Dieu  a