23:744  chacun  fidele  pense  de  garder  sa  maison  pure  et  nette  de  toutes  polutions.  Il  est  vray  qu'auiou-rd'huy  il  n'y  a  plus  ceste  ceremonie  que  Dieu  commandoit  aux  Iuifs,  c'est  assavoir,  qu'ils  dediassent  leurs  maisons  devant  qu'en  user:  mais  la  verite  nous  demeure,  et  la  fin  que  Dieu  a  regarde,  c'est  assavoir,  quand  nous  sommes  logez,  que  ce  ne  soit  point  une  cachette  pour  exclurre  la  presence  de  Dieu,  que  nous  ne  nous  permettions  point  licence  de  cheminer  selon  nos  appetis:  mais  d'autant  que  Dieu  nous  a  fait  ce  bien  que  nous  ayons  maison,  et  ne  fust-ce  qu'un  petit  anglet  de  retraite,  qu'il  soit  honore  la,  et  que  le  lieu  soit  dedie  a  son  service.  Or  cela  n'est  pas  pour  les  parois  et  pour  le  toict:  mais  c'est  pour  la  famille,  c'est  assavoir,  que  nous  soyons  du  tout  siens,  et  que  nous  luy  facions  oblation  de  nos  corps  et  de  nos  ames,  et  mettions  peine  aussi  que  tout  le  reste  [pag.  222]  ressemble  et  s'y  conforme.  Or  un  pere  de  famille  le  doit  commencer  par  sa  personne:  mais  cependant  si  faut-il  qu'il  instruise  sa  femme.  Si  Dieu  luy  a  donne  des  enfans,  ou  des  serviteurs,  que  tout  cela  soit  tenu  en  l'obeissance  de  Dieu.  Voila  donc,  la  facon  de  dedier  les  maisons,  et  par  consequent  d'invoquer  le  nom  du  Seigneur,  selon  qu'il  en  est  ici  parle  d'Abraham.  Or  c'est  une  chose  mal  practiquee.  Car  nous  voyons  comme  chacun  veut  servir  Dieu  a  sa  poste:  cependant  Dieu  n'est  quasi  rien.  Si  les  maistres  et  les  maistresses  tirent  de  leurs  serviteurs  de  la  peine  pour  leur  profit  et  commodite,  ils  se  contentent  de  cela.  Si  Dieu  y  est  blaspheme,  s'il  y  est  mesprise,  si  la  maison  est  profanee,  qu'il  n'y  ait  ni  zele  ni  religion,  cela  passe  et  s'escoule.  Or  il  est  certain  que  Dieu  ne  quittera  pas  ainsi  son  droit.  Apprenons  donc,  de  tellement  user  des  maisons  ou  nous  sommes  logez,  que  Dieu  y  habite  comme  nostre  souverain,  et  que  petis  et  grands  se  detient  a  luy,  et  s'offrent  non  seulement  d'ame,  mais  aussi  de  corps  :  mesmes  ceux  qui  ne  peuvent  pas  honorer  Dieu  pour  danger  de  leur  vie,  ne  sont  pas  excusez  pourtant:  car  c'est  une  chose  trop  precieuse  que  l'honneur  que  nous  luy  devons.  Et  ne  faut  pas  alleguer,  qu'il  ne  nous  est  pas  permis^  et  que  nous  n'avons  pas  la  liberte.  Car  quoy  qu'il  en  soit  [pag.  223],  ce  qui  nous  est  ici  recite  d'Abraham,  nous  doit  servir  d'instruction.  Car  nous  savons  qu'il  est  patron  de  tous  fideles,  d'autant  qu'il  est  leur  Pere.  Puis  qu'ainsi  est  donc,  encores  que  nous  fussions  meslez  parmi  les  ennemis  de  Dieu  et  de  sa  verite,  et  que  la  persecution  fust  prochaine,  que  nous  facions  confession  de  nostre  foy.  Car  il  nous  faut  tousiours  preferer  ce  qui  est  le  principal  a  tous  accessoires.  Voila  donc,  ce  que  nous  avons  a  retenir  sur  ce  passage.  Or  notamment  il  est  dit,  qu'il  invoque  le  nom  de  l'Eternel,  et  Dieu  du  siecle,  c'est  a  dire,  du  Dieu  de  tousiours.  Ici  Moyse  fait  comme  une