23:743  743  SERMONS.  744  fait  sans  en  estre  requis.  Cependant  nous  voyons  a  l'opposite  que  cela  ne  Pa  pas  empesche  de  faire  hommage  a  Dieu.  Et  combien  que  ce  fust  une  chose  odieuse  (ainsi  que  nous  avons  monstre  cy  dessus)  d'avoir  une  religion  a  part,  et  separee  de  celle  de  ceux  entre  lesquels  il  conversoit:  neantmoins  si  n'a-il  point  voulu  defaillir  qu'il  ne  fist  confession  de  sa  foy  telle  que  Dieu  luy  avoit  commandee.  Ainsi  nous  voyons,  qu'envers  Dieu  et  envers  les  hommes,  il  s'est  tellement  porte,  qu'il  nous  peut  estre  un  exemple  de  vraye  humilite,  pour  nous  monstrer  comment  nous  devons  rendre  suietion  a  ceux  ausquels  nous  la  devons:  tellement  toutesfois  que  cependant  Dieu  ait  son  empire  souverain  :  et  que  si  les  hommes  ont  quelque  superiorite  et  preeminence,  cela  ne  derogue  en  rien  a  la  maieste  celeste,  laquelle  doit  obscurcir  toute  hautesse  humaine.  Il  est  bien  certain  que  si  Abraham  eust  voulu  gratifier  a  ses  voisins,  il  se  fust  conforme  a  leurs  facons  de  faire,  et  n'eust  pas  declaire  qu'il  avoit  un  Dieu  lequel  il  vouloit  adorer,  renoncant  a  toutes  les  idolatries  qui  [pag.  220]  avoyent  desia  la  vogue,  et  a,  toutes  les  superstitions  desquelles  la  terre  estoit  remplie  et  pollue.  Mais  quoy  qu'il  en  soit,  il  proteste  de  vouloir  servir  et  adorer  Dieu  purement.  Et  pour  ceste  cause,  il  a  son  autel,  comme  nous  avons  veu,  auquel  il  fait  hommage  solennel  a  Dieu,  et  par  ce  moyen  renonce  a  tous  les  vices,  et  a  toutes  les  corruptions  qui  estoyent  entre  ses  voisins  :  comme  s'il  les  condamnoit,  et  qu'il  monstrast  qu'il  n'y  a  qu'un  seul  vray  service  qui  soit  agreable  a  Dieu:  comme  aussi  il  n'y  a  qu'un  seul  Dieu  vivant,  et  que  tout  le  reste  n'est  qu'imagination  fausse  et  tromperie.  Auparavant  desia  combien  qu'il  n'eust  nul  arrest,  et  qu'il  fust  tracasso  de  coste  et  d'autre:  si  est-ce  qu'il  ne  laissoit  pas  d'invoquer  Dieu  partout  ou  il  venoit,  c'est  a  dire,  de  monstrer  qu'il  ne  s'accordoit  point  a  tous  les  erreurs  qui  avoyent,  pour  ce  temps-la,  la  vogue  par  le  monde.  Mais  ici  il  a  une  raison  speciale  pour  invoquer  Dieu  derechef  en  ce  lieu-la:  pource  qu'il  avoit  plus  de  repos  et  de  commoditez  qu'auparavant.  Car  iamais  il  n'avoit  ose  planter  un  arbre:  il  en  plante  maintenant  plusieurs,  d'autant  qu'il  luy  est  permis  de  demourer  la.  Et  comme  il  a  fait  hommage  au  roy  terrien,  auquel  le  pays  appartenoit:  il  veut  aussi  monstrer,  qu'il  n'a  pas  oublie  Dieu,  qu'il  n'a  pas  refroidi  le  zele  qu'il  avoit,  qu'il  [pag.  221]  ne  le  tiene  tousiours  pour  son  prince  souverain,  s'humilie  sous  luy,  et  vueille  demourer  en  sa  protection.  Voila  donc  pourquoy  notamment  Moyse  recite,  qu'Abraham  a  invoque  le  nom  du  Seigneur.  La  loy  de  dedier  les  maisons  n'estoit  pas  encore  escrite,  mais  il  n'a  pas  laisse  de  l'observor,  c'est  a  dire,  il  a  monstre  par  effet  que  le  lieu  de  sa  demeure  estoit  un  temple  de  Dieu:  comme  il  faut  aussi  que