23:742  vraye  crainte  et  humilite,  que  nous  soyons  enseignez  par  icelle  de  mettre  pleinement  nostre  fiance  en  luy  seul,  le  servir  et  honorer  comme  il  appartient,  pour  glorifier  son  sainct  nom  en  toute  nostre  vie,  et  edifier  nos  prochains  par  bons  exemples:  luy  rendans  l'amour  et  la  crainte  que  doyvent  fideles  serviteurs  a  leurs  maistres  et  enfans  a  leurs  peres,  puis  qu'il  luy  a  pleu  nous  faire  ceste  grace  de  nous  recevoir  au  nombre  de  ses  serviteurs  et  enfans.  Et  le  prierons  ainsi  que  nostre  bon  Maistre  nous  a  enseigne,  Nostre  Pere  qui  es  es  cieux,  etc.  LE  PREMIER  SERMON,  DU  SAMEDI  PREMIER  IOUR  DE  IUIN,  MILLE  CINQ  CENS  SOIXANTE.  Genese  chapitre  21.  sur  la  fin.  Or  Abram  planta  la  des  arbres,  et  invoqua  le  nom  de  V  Eternel,  le  Dieu  de  tousiours  :  et  habita  comme  estrangier  en  la  terre  des  Philisthim  plusieurs  iours.  Capitre  XXII.  Et  apres  ces  choses  Dieu  tenta  Abraham,  et  luy  dit,  Abraham:  ll  respondit:  Me  voicy,  et  il  luy  dit,  Pren  ton  fils,  voire  ton  fils  unique  lequel  tu  aimes  singulierement,  assavoir,  Isaac,  et  va  en  la  terre  de  Moria,  et  V  offre  la  en  sacrifice  sur  quelque  montagne  que  ie  te  diray.  Nous  vismes  hier  comme  Abraham  pour  s'acquiter  de  son  devoir  envers  le  roy  de  Grerar  luy  avoit  offert  tribut.  Or  Moyse  adiouste  maintenant,  qu'estant  a.  repos  il  a  invoque  solennellement  le  [pag.  219]  nom  de  Dieu.  Nous  avons  donc  a  retenir  en  somme,  qu'Abraham  s'est  assuietti  de  son  bon  gre  a  celuy  qui  avoit  la  superiorite  du  pays:  et  n'a  pas  attendu  qu'on  le  poussast,  et  qu'on  le  contraignit  a  faire  devoir  de  bon  suiet  et  loyal,  mais  qu'il  l'a  47*