9:741  741  CONFESSIONES.  742  licite  de  contredire.  Mesmes  pource  que  la  est  contenue  la  regle  parfaicte  de  toute  sagesse,  nous  croyons  qu'il  n'est  licite  d'y  rien  adiouster  ne  diminuer  mais  qu'il  y  faut  acquiescer  en  tout  et  par  tout^Or  comme  ceste  doctrine  ne  prend  son  autorite  des  hommes  ne  des  anges,  mais  de  Dieu  seul,  aussi  nous  croyons  (d'autant  que  c'est  chose  surmontant  tous  sens  humains,  de  discerner  que  c'est  Dieu  qui  parle)  que  luy  seul  donne  la  certitude  d'icelle  a  ses  eleus,  et  la  seelle  en  leurs  coeurs  par  son  Esprit.  l)  2.  Estans  ainsi  fondez  nous  croyons  en  un  seul  Dieu  eternel,  d'une  essence  spirituelle,  infinie,  incomprehensible  et  simple  :  toutesfois  en  laquelle  il  y  a  trois  Personnes  distinctes,  le  Pere,  sa  Parole  ou  sa  Sagesse,  et  son  Esprit.  Et  combien  que  le  nom  de  Dieu  soit  quelque  fois  attribue  en  particulier  au  Pere  d'autant  qu'il  est  le  principe  et  origine  de  sa  Parole  et  de  son  Esprit,  toutesfois  cela  n'empesche  point  que  le  Fils  n'ait  en  soy  toute  Divinite  en  perfection,  comme  aussi  le  sainct  Esprit,  d'autant  que  chacun  ha  tellement  ce  qui  luy  est  propre  quant  a  la  Personne  que  l'essence  unique  n'est  point  divisee.  Et  en  cela  nous  avons  ce  qui  a  este  determine  par  les  anciens  Conciles  et  detestons  toutes  sectes  et  1)  Ge  premier  article  a  ete  remplace  par  les  cinq  articles  suivants  :  I.  Nous  croyons  et  confessons  qu'il  y  a  un  seul  Dieu  qui  est  une  seule  et  simple  essence  spirituelle,  eternelle,  invisible,  immuable,  infinie,  incomprehensible,  ineffable,  qui  peut  toutes  choses,  qui  est  toute  sage,  toute  bonne,  toute  iuste,  et  toute  misericordieuse.  II.  Ce  Dieu  se  manifeste  tel  aux  hommes  premierement  par  ses  oeuvres:  tant  par  la  creation  que  par  la  conservation  et  conduite  d'icelles.  Secondement  et  plus  clairement  par  sa  parole,  laquelle  au  commencement  revelee  par  oracle  a  este  puis  apres  redigee  par  escrit  es  livres  que  nous  appellons  Escriture  saincte.  III.  Toute  ceste  Escriture  saincte  est  comprise  es  livres  canoniques  du  vieil  et  nouveau  Testament,  desquels  le  nombre  s'ensuit:  ('JSsomenclature  detaiilee  et  complete^.  IV.  Nous  cognoissons  ces  livres  estre  canoniques  et  reigle  trescertaine  de  nostre  Foy,  non  tant  par  le  commun  accord  et  consentement  de  l'Eglise  que  parle  tesmoignage  et  persuasion  interieure  du  S.  Esprit,  qui  les  nous  fait  discerner  davec  les  autres  livres  Ecclesiastiques.  Sur  lesquels,  encores  qu'ils  soyent  utiles,  on  ne  peut  fonder  aucun  article  de  Foy.  V.  Nous  croyons  que  la  parole  qui  est  contenue  en  ces  livres  est  procedee  de  Dieu,  duquel  seul  elle  prend  son  authorite,  et  non  des  hommes.  Et  d'autant  qu'elle  est  reigle  de  toute  verite,  contenant  tout  ce  qui  est  necessaire  pour  le  service  de  Dieu  et  nostre  salut,  il  n'est  loisible  aux  hommes,  ne  mesmes  aux  Anges,  d'y  adiouster  diminuer  ou  changee  Dont  il  s'ensuit  que  ne  l'antiquite,  ne  la  multitude,  ne  la  sagesse  humaine,  ne  les  iugemens,  ne  les  arrests,  ne  les  edicts,  ne  les  decrets,  ne  les  conciles,  ne  les  visions,  ne  les  miracles  ne  doivent  estre  opposez  a  icelle  Escriture  saincte:  ains  au  contraire  toutes  choses  doivent  estre  examinees  reiglees  et  reformees  selon  icelle.  Et  suyvant  cela  nous  advouons  les  trois  Simboles,  assavoir  des  Apostres,  de  Nice  et  d'Athanase,  pource  qu'ils  sont  conformes  a  la  parole  de  Dieu.