8:74  permissum  est.  Ab  homine  mortali  eripi  hoc  Dei  beneficium,  tolerabile  non  esse  dicimus.  Nunc  ad  primum  Dei  institutum  accessit  maior  ex  carnis  incontinentia  necessitas.  Neque  enim  frustra  spiritus  hoc  remedium  per  os  Pauli  fugiendae  scortationi  praescribit,  ut  quisque  uxorem  suam  habeat,  et  unaquaeque  etiam  mulier  proprium  maritum  (1  Cor  7,  2).  Non  frustra  Christus  et  idem  Paulus  admonent,  non  esse  omnes  ad  vitam  caelibem  aptos  et  idoneos  (Matth.  19,  l  l  )  .  Atque  utinam  in  hac  degenere  natura  minus  notus  esset  incontinentiae  morbus.  Huic  vitio  ut  Deus  opem  ferret,  non  modo  coniugium  instituit,  in  quo  vir  licite  habitet  cum  femina,  sed  ad  legitimum  eius  usum  omnes  qui  a  carne  sua  uruntur  clara  ^oce  invitat.  Hoc  beneficio  apostoli,  martyres,  1)  et  alii  ex  sanctis  praestantissimi  usi  sunt.  Exorta  repente  caelibatus  admiratio,  ut  vilesceret  coniugii  honor  ac  dignitas,  effecit.  Fuit  tamen  ad  tempus  voluntaria  coniugii  abstinentia,  donec  [pag.  96]  tyrannidi  superstitio  ianuam  aperuit.  Sacerdotes  itaque  a  coniugali  vita  prohibiti.  Tandem  ad  diaconos  serpsit  interdictum.  Iurisiurandi  vinculo  monachi  et  moniales  impliciti  concessum  a  Deo  ius  sibi  abdicabant.  Hinc  solos  caelibes  Deo  sacros  censere  mundum  coepit.  Acer  usque  grassatus  est  furor,  ut  vitam  coniugalem,  velut  profanam,  non  levi  ignominia  notarent.  Primum,  etiam&i  prospere  in  speciem  cessisset  eiusmodi  mutatio,  ex  diabolica  tamen  audacia  manasse  dicimus.  Verum,  quo  sanctior  est  virtus  castitas,  eo  sceleratior  et  magis  detestabilis  est  coactus  iste  caelibatus,  quem  omni  foeditatis  spurcitiaeque  genere  refertum  esse  constat.  Ut  angelis  similis  videatur  quisquis  abhorret  a  nuptiis,  virginitatem  papistae  miris  encomiis  extollunt.  Quasi  vero  extra  coniugii  statum,  nihil  nisi  pudicum  et  virginale  esse  evicerint.  Atqui,  in  hoc  tantum  videntur2)  lectos  propriis  uxoribus  vacuos  habere,  ut  alienis  polluendis  ipsi  incubent.  Quis  enim  vulgare  inter  eos  proverbium  esse  nescit,  quando  a  communi  ducendae  uxoris  iure  arcetur  monachus  vel  sacerdos,  ius  fasque  esse,  ut  alia  sibi  ratione  prospiciat?  Ac  ne  suis  partibus  desint,  strenue  fere  omnes  in  hoc  venationis  genus  incumbunt.  Nulla  lenociniis  aptior  tendicula,  quam  confessio,  qua  non  modo  sibi  obnoxias  reddunt  conscias  probri  alicuius  mulieres,  sed  alii  aliis  assignant.  Itaque  huc  ventum  est,  ut  qui  domesticis  scortis  contenti  sunt,  casti  et  temperantes  inter  alios  censeantur.  Arcanas  obscoenitates  et  nefanda  stupra  omitto.  Ac  ne  haec  quidem,  quamvis  vulgo  nota,  attingerem,  nisi  quod  obiter  commonefieri  lectores  necesse  est,  quam  ingenue  faciant  doctrinae  nostrae  1)  Add.  les  Prophetes.  2)  Add.  ces  iolis  puceaux.