7:74  peche  volontaire,  selon  leur  phantasie,  est  peche  contre  le  sainct  Esprit,  qui  est  irremissible,  le  dy  que  ceste  opinion  est  un  blaspheme  execrable  contre  la  grace  de  Dieu,  et  une  resverie  pernitieuse,  pour  mettre  toutes  povres  ames  en  desespoir.  Comme  mesme  i'en  ay  veu  l'experience  en  d'aucuns,  qui  avoyent  este  seduis  pour  un  temps  de  ceste  malheureuse  secte.  Il  est  vray,  que  nous  devons  bien  penser  en  nous,  et  remonstrer  aux  autres,  que  ce  n'est  pas  petite  chose,  que  d'offenser  Dieu  a  nostre  escient,  et  de  commettre  quelque  acte  contre  nostre  conscience,  pour  provoquer  son  ire  contre  nous.  Ainsi  quiconque  useroit  de  ces  termes:  encor  qu'il  nous  advienne  apres  avoir  congneu  Dieu,  de  pecher  contre  nostre  conscience,  c'est  une  faute  aiseo  a  pardonner,  et  nostre  Seigneur  n'en  faict  pas  si  grand  cas,  qu'il  nous  [page  52]  en  faille  beaucoup  tormenter:  il  le  faudroit  reietter  comme  un  Sathan  qui  nous  voudroit  induire  par  telles  flatteries  a  un  contemnement  de  Dieu.  Plustost  meditons  tousiours  que  ce  n'est  pas  petit  crime,  de  contrevenir  a  la  saincte  volonte  de  Dieu,  par  rebellion  et  contumace,  violant  de  propos  advise  sa  iustice,  et  que  cela  est  abuser  trop  outrageusement  de  la  grace  qu'il  nous  a  faicte,  et  qu'il  y  a  grand  dangier,  que  l'homme  qui  se  deborde  ainsi,  ne  soit  mis  en  sens  reprouve,  pour  s'endurcir  en  malice,  afin  de  iamais  ne  se  convertir.  Reduisons  *)  aussi  les  menaces  qui  sont  faictes  en  l'escriture  sur  telle  ingratitude.  Mais  quand  tout  cela  sera  dict  et  faict,  si  ne  faut  il  pas  ietter  en  desespoir  ceux  a  qui  il  sera  advenu  d'ainsi  trebuscher.  Car  ou  en  viendrons  nous?  Il  ne  s'en  trouvera  pas  a  grand'  peine  de  dix  l'un,  qui  se  puisse  vanter  de  iamais  n'avoir  fally,  a  son  escient,  depuis  avoir  congneu  Dieu.  N'est-ce  pas  ruiner  toute  l'Eglise,  de  les  vouloir  tous  ietter  en  desespoir?  Ilz  diront  que  cela  est  endormir  les  consciences  pour  les  attirer  a  mal  faire.  Ie  dy  que  plustost  cestuy  la  s'endort,  qui  se  faict  a  croire  que  iamais  ne  faut  que  par  ignorance,  et  qui  se  faict  tant  pur  et  innocent,  de  iamais  n'avoir  eu  mauvaise  volunte  [page  53]  ou  mauvais  propos.  Considerons,  ie  vous  prie,  en  combien  de  sortes  le  Diable  nous  tente.  Si  nous  ne  sommes  surprins2)  du  tout,  qui  est  celuy3)  si  vertueux,  qui  ne  decline  quelque  foys,4)  combien  qu'il  soit  adverty  de  Dieu,  et  qu'il  ait  le  tesmoignage  de  sa  conscience,  pour  le  retirer  au  droict  chemin?  Ilz  alleguent  que  tout  peche  contre  le  sainct  Esprit  est  irremissible.  Ie  le  confesse.  Mais  il  y  a  beaucoup  a  dire,  que  tout  peche  voluntaire  soit  contre  le  sainct  Esprit.  Car  1)  Revocemus  in  memoriam.  2)  opprimimur.  3)  toutesfois  qui  est  celuy  etc.  1566  suiv.  (quis  tamen  etc).  4)  Le  traducteur  ajoute:  nunquam  aberret.