58:74  viande  pour  obtenir  un  bien  spirituel,  qui  valoit  mieux  qu'une  centaine,  voire  un  milion  de  vies.  Voila  en  somme  ce  que  nous  avons  a  retenir  de  ceste  histoire.  Or  il  est  vray  que  de  prime  face  on  pourroit  penser  que  c'est  un  ieu  de  petits  enfans:  car  quel  mal  y  a-il  en  Esau,  apres  qu'il  a  travaille,  et  s'est  donne  beaucoup  de  peine,  mesme  pour  apporter  de  la  venaison  a  son  pere,  s'il  est  las,  s'il  est  affame,  et  qu'il  demande  a  manger?  Il  ne  semble  pas  que  cela  lui  doive  estre  impute  a  vice.  Et  d'autre  part,  quelle  cruaute  diroit  on  avoir  este  en  Iacob,  voiant  son  frere  en  telle  disette,  qu'il  ne  lui  a  secouru,  pour  le  moins  de  la  moitie  de  son  repas?  Car  il  ne  devoit  pas  attendre  que  son  frere  se  plaignist,  et  qu'il  criast  famine,  il  lui  devoit  bien  offrir  liberalement  de  ce  qu'il  avoit  appreste  pour  soy.  Car  s'il  eust  veu  un  estranger  estre  ainsi  indigent,  estre  ainsi  las  et  abbatu,  encore  faloit-il  qu'il  lui  fist  quelque  aumone.  Et  voila  son  propre  frere,  ils  ont  mesme  este  portez  d'une  ventree:  il  le  laisse  la,  et  ne  daigne  pas  lui  donner  une  cuilleree  de  son  potage.  On  diroit  donc  que  Iacob  a  este  par  trop  inhumain.  Et  puis,  a  quel  propos  le  contraint-  il  de  lui  vendre  sa  primogeniture?  Car  il  lui  tient  ici  comme  le  cousteau  sur  la  gorge,  et  nous  savons  mesmes  que  les  contracts  seront  tousiours  rescindez,  quand  il  y  aura  eu  quelque  violence:  si  on  a  fait  quelque  chose  par  contrainte,  ou  qu'on  ait  promis  quelque  chose  a  la  volee,  cela  n'aura  point  de  tenue.  Or  voici  Esau  qui  est  affame,  il  n'en  peut  plus,  il  est  tellement  ravi  qu'il  ne  sait  que  c'est  de  sa  primogeniture.  Ainsi  donc  on  diroit  que  outre  la  cruaute  de  Iacob,  il  y  a  eu  de  Pinconsideration  trop  lourde:  et  quand  il  contracte,  quelque  serment  qui  y  ait  este  interpose,  cela  ne  doit  nullement  tenir,  selon  equite  et  raison  :  et  mesme  ceci  n'est  pas  recite  pour  redarguer  Iacob,  qu'il  ait  commis  nulle  faute  ne  qu'il  ait  offence  ni  Dieu  ne  son  frere:  mais  a  l'opposite,  le  saint  Esprit  lui  donne  ici  tesmoignage,  qu'il  nous  monstre  le  chemin  de  cercher  les  choses  celestes  et  le  Royaume  de  Dieu  en  premier  lieu,  et  de  renoncer  a  nos  appetits,  ou  bien  de  les  captiver  en  telle  sorte,  qu'ils  ne  nous  empeschent  pas  que  nous  ne  regardions  tousiours  au  principal.  Et  a  l'opposite,  l'exemple  d'Esau  nous  est  propose  (comme  l'Apostre  le  remonstre)  afin  que  nous  ne  soyons  point  profanes  comme  lui,  c'est  a  dire  que  nous  ne  soyons  point  adonnez  a  la  terre:  mais  que  nous  pensions  que  c'est  de  la  vie  eternelle  qui  nous  est  promise.  Ainsi  donc,  il  ne  nous  faut  point  iuger  de  ceste  histoire  selon  nostre  opinion  naturelle:  mais  nous  avons  a  noter  a  quelle  fin  et  intention  elle  nous  est