50:74  supra  attigimus,  tunc  nobis  Deum  esse  propitiuni,  quum  pro  iustis  agnoscit.  Perinde  enim  valent  haec  duo,  esse  nos  Deo  acceptos  et  iustos  ab  ipso  reputari.  Peccatum  non  nosse  est  expertem  esse  peccati.  Christum  ergo,  quum  a  peccato  ipse  immunis  esset,  pro  nobis  peccatum  fuisse  factum  dicit.  Tritum  est  illud,  peccatum  vocari  hostiam  peccati  expiatricem  :  qua  ratione  Latini  etiam  piaculum  dicunt.  Et  hanc  phrasim  hoc  loco  et  alibi  ab  Hebraeis  mutuatus  est  Paulus,  quibus  Qt^K  tam  piaculare  est  sacrificium,  quam  delictum  vel  crimen.  Verum  tam  significatio  huius  vocis,  quam  tota  sententia  melius  intelligetur  ex  comparatione  utriusque  antitheti.  Peccatum  hic  iustitiae  opponitur,  quum  docet  Paulus  nos  iustitiam  Dei  esse  factos,  eo  quod  Christus  factus  sit  peccatum.  Iustitia  hic  non  pro  qualitate  aut  habitu,  sed  pro  imputatione  accipitur,  eo  quod  accepta  nobis  fertur  Christi  iustitia.  Quid  e  converso  peccatum?  reatus,  quo  in  Dei  iudicio  obstringimur.  Sicuti  autem  in  victimam  reiiciebatur  olim  maledictio  hominis  :  ita  Christi  damnatio  nostra  absolutio  fuit,  ac  livore  eius  sanati  sumus.  Iustitia  Dei  in  ipso.  Primum  iustitia  Dei  capitur,  non  pro  ea,  quae  a  Deo  nobis  donetur,  sed  quae  sit  illi  probata.  Quemadmodum  Iohannis  12,  43.  Gloria  Dei  vocatur,  quae  locum  habet  apud  ipsum  :  gloria  hominum  pro  vana  mundi  existimatione.  Et  Rom.  3,  7,  quum  dicit  nos  destitui  gloria  Dei,  intelligit  nihil  in  nobis  esse,  quo  gloriemur  apud  Deum.  Nam  hominibus  iustum  apparere  non  adeo  difficile  est:  sed  est  fallax  iustitiae  umbra,  quae  tandem  exitii  causa  est.  Ergo  sola  demum  iustitia  vera,  quae  Deo  accepta  est.  Nunc  ad  antithesin  redeamus  iustitiae  et  peccati.  Quomodo  iusti  coram  Deo  sumus  ?  qualiter  scilicet  Christus  fuit  peccator.  Personam  enim  nostram  quodammodo  suscepit,  ut  reus  nostro  nomine  fieret,  et  tanquam  peccator  iudicaretur,  non  propriis,  sed  alienis  delictis,  quum  purus  foret  ipse  et  immunis  ab  omni  culpa,  poenamque  subiret  nobis  non  sibi  debitam.  Ita  scilicet  nunc  iusti  sumus  in  ipso  :  non  quia  operibus  propriis  satisfaciamus  iudicio  Dei,  sed  quoniam  censemur  Christi  iustitia,  quam  fide  induimus  nt  nostra  fiat.  Ideo  particulam  sv  retinere  malui  quam  eius  loco  vertere  per.  Melius  enim  quadrat  menti  Paulinae  illa  significatio.  CAPUT  vi.  1.  Nos  vero  adiuvantes  etiam  obsecramus,  ne  frustra  gratiam  Dei  receperitis.  2.  Dicit  enim:  Tempore  accepto  exaudivi  te,  et  in  die  salutis  auxiliatus  sum  tibi.  Ecce,  nunc  tempus  acceptum  :  ecce  nunc  dies  salutis:  3.  nullam  dantes  ulla  in  re  offensionem,  ut  ne  vituperetur  ministerium:  4.  sed  in  omnibus  com-