44:74  regni  coelestis.  Suppetit  ergo  nobis  semper  uberior  gaudii  materia  quam  olim  veteri  populo  :  praesertim  quum  ita  posset  videri  a  Deo  reprobatus.  Haec  ratio  est,  cur  non  abs  re  dicat  propheta  immunem  fore  ecclesiam  a  malo,  ubi  Deus  ipsam  rursus  collegerit.  Nam  redemptio  illa  populi  israelitici  hodie  vigere  debet  in  cordibus  nostris:  quia  est  memorabile  opus  Dei,  quo  voluit  in  perpetuum  testari  se  esse  eorum  liberatorem  quicunque  in  ipsum  sperant.  Sequitur:  18.  Afflictos  a  tempore  (vel  pro  tempore,  vel  ad  tempus,  ut  alii  vertunt)  congregabo  qui  ex  te  erunt:  onus  (vertunt  quidam:  sed  active  videtur  accipere  propheta  potius,  qui  sustinuerunt  ergo)  super  eam  opprobrium.  Hic  prosequitur  eandem  sententiam,  sed  aliis  verbis:  quia  nisi  interposita  fuisset  haec  consolatio,  poterat  frigere  quod  hactenus  propheta  dixit.  Proposuit  enim*  materiam  laetitiae:  hortatus  est  electos  Dei  ad  sacrificium  laudis  et  ad  gratulationem.  Interea  erant  miserrimi.  Necesse  igitur  fuit  adiungi  hanc  sententiam  de  congregandis  exsulibus.  Dicit  autem  ad  tempus.  Quidam  vertunt  prae  tempore:  sed  illud  esset  obscurum  et  coactum.  Alii  vertunt,  Ad  tempus:  sed  proprie  est  a  tempore.  D  significat  aliquando  prae,  ubi  comparative  accipitur.  Sed  non  videntur  mihi  interpretes  recte  expendere  prophetae  sensum.  Ego  igitur  non  dubito  quin  hic  statutum  liberationis  tempus  designet:  quasi  diceret,  Ego  rursus  colligam  afflictos  tuos,  et  qui  sustinuerunt  opprobrium  tuum.  Quomodo?  "lyiDD,  hoc  est,  post  finitum  tempus  vel  praefixum.  Nam  "lj;iD,  non  simpliciter  pro  tempore  sumiter  apud  Hebraeos,  sed  pro  tempore  aliquo  condicto.  Quemadmodum  lingua  nostra  dicimus,  Un  terme  prefix.  Ego  igitur  congregabo  afflictos  tuos,  sed  non  tam  cito:  propheta  igitur  noster  hic  quodammodo  suspendit  animos  fidelium,  ut  maneant  in  specula  sua  et  exspectent  patienter  auxilium  Dei:  quia  scimus  quanta  sit  festinatio  nostra,  et  ut  ruamus  etiam  praecipites  ubi  aliquid  optamus.  Nam  celeritas  ipsa  etiam  nobis  mora  est,  quemadmodum  dictum  fuit  veteri  proverbio.  Quoniam  ergo  fervore  quodam,  vel  nimio  impetu  feruntur  homines  semper  ad  captandos  eventus,  ideo  propheta  hic  fraenum  iniicit  et  ostendit  Deum  tenere  suas  opportunitates,  ut  impleat  quod  promisit  non  tam  cito,  neque  pro  arbitrio  hominum  :  sed  ubi  tempus  opportunam  advenerit.  Tempus  autem  illud  est,  quod  statuit  ipse,  non  quod  ipsi  cupimus.  Iam  addit,  qui  sustinuerunt  super  eam  opprobrium.  Non  dubium  est  quin  hoc  secundo  membro  idem  repetat  propheta:  sed  interim  speciem  istam  non  abs  re  designat,  quod  scilicet  Iudaei  probris  et  contumeliis  affecti  fuerint  ex  silii  sui  tem-