42:74  vous  pollues  point  aux  abominations  des  infideles,  separes-vous  d'eux,  et  combien  que  vous  ne  voies  pas  une  si  grande  puissance  en  vous  comme  en  eux,  fermes  les  yeux  a  tout  cela,  que  vous  ne  soios  point  sages  en  vous-mesmes,  pour  dire,  ie  ne  me  veux  point  aller  ainsi  hazarder,  ie  ne  veux  point  ainsi  ietter  la  plume  au  vent,  non,  non,  suives-moy  tant  seulement,  regardes  quelle  est  vostre  vocation,  et  n'aies  souci  de  tout  le  reste,  car  ie  vous  prendrai  en  ma  garde,  et  encores  que  vos  ennemis  soient  si  forts,  et  si  puissans  qu'il  semble  bien  qu'ils  vous  doivent  accabler  du  premier  coup,  ne  soies  point  estonnes  pour  cela,  sachans  que  quand  vous  seres  en  ma  main,  ils  ne  pourront  rien  a  l'encontre  de  vous.  Voila  comme  nostre  Seigneur  ha  parle  de  ce  temps  la:  connoissons  qu'auiourd'huy  il  parle  ainsi  a  nous,  et  pourtant  faisons  nostre  profit,  non  seulement  de  sa  voix,  mais  de  tous  ces  exemples  qui  nous  sont  ici  proposes,  sachans  que  quand  les  fideles  qui  ont  vescu  sous  la  loy,  ont  eu  une  telle  vertu  et  magnanimite  a  maintenir  la  querelle  de  Dieu,  que  cela  ha  este  fait  pour  nostre  confirmation,  et  a  fin  de  nous  donner  courage  de  nous  conformer  a  leur  exemple.  Suivant  cette  saincte  doctrine,  nous  nous  prosternerons  devant  la  face  de  nostre  bon  Dieu,  etc.  SERMON  XL  sur  le  Chap.  XI.  T.  34.35.  Nous  veismes  hier  la  tentation  que  pouvoient  avoir  les  fideles  du  temps  que  tout  estoit  desole  au  pays  de  Iudee,  et  en  Ierusalem,  car  les  sacrificateurs  qui  avoient  le  titre,  et  le  renom  de  l'Eglise,  estoient  des  apostats,  qu'il  n'y  avoit  nul  d'eux  qui  eust  courage  de  maintenir  la  vraye  religion  contre  ce  tirant  qui  s'estoit  esleve,  voila  seulement  Mathatias  qui  ha  une  poignee  de  gens,  et  ils  se  separent  des  abominations  qui  se  commettoient  au  temple  qui  avoit  este  prophane  et  pollu:  or  il  sembloit  bien  que  ce  petit  nombre  de  gens  la  ne  fust  pas  l'Eglise  de  Dieu,  et  n'y  ha  nulle  doute  qu'on  ne  leur  reprochast  qu'ils  estoient  des  mutins,  que  c'estoit  une  folie  par  trop  grande  a  eux,  de  se  separer  ainsi  de  tout  le  peuple.  Or  tant  y  ha  qu'ils  avoient  tesmoignage  de  Dieu,  suivant  cette  prophetie  que  nous  avons  en  ce  passage  que  Dieu  les  approuvoit,  et  qu'il  les  tenoit  pour  son  troupeau,  ainsi  maintenant  nous  avons  a  nous  confermer,  que  quand  tous  ceux  qui  s'appelent  chrestiens  seront  apostats,  s'estans  alienes  de  la  pure  verite  de  Dieu,  s'estans  pollues  en  des  superstitions  et  des  idolatries  villaines,  sachans  neantmoins  que  Dieu  les  condemne,  qu'ils  s'attribuent  ce  titre  d'Eglise,  et  qu'au