33:74  la  au  devant  la  grace  de  son  saint  Esprit,  et  Satan  demeure  confus,  voyant  qu'il  n'a  peu  venir  au  bout  de  ce  qu'il  vouloit  attenter  contre  les  serviteurs  de  Dieu,  que  le  tout  est  venu  au  rebours,  et  a  l'opposite  de  son  intention.  Ainsi  donc  Dieu  cognoissant  quelle  seroit  l'issue  des  afflictions  de  Iob,  avoit  determine  en  son  conseil  de  l'affliger,  voire  n'estant  point  incite  a  cela  par  Satan.  Et  pourquoy  donc  est-ce  que  l'Escriture  saincte  nous  dit  icy,  que  cela  s'est  fait  a  la  requeste  de  Satan?  Or  c'est  pour  deux  raisons.  Premierement,  afin  que  quand  nous  serons  battus  des  verges  de  Dieu,  nous  sachions  que  Satan  sollicite  cela,  ouy  pour  nous  mettre  en  desespoir.  Et  c'est  ce  que  sainct  Paul  nous  remonstre  au  passage  qui  a  este  allegue  ces  iours  passez,  que  nous  avons  la  guerre  contre  les  puissances  spirituelles,  et  non  point  contre  la  chair  et  le  sang.  Si  tost  donc  qu'il  nous  adviendra  quelque  mal,  sachons  que  Satan  nous  l'a  machine,  a  fin  de  luy  resister  par  foy,  et  que  nous  soyons  munis  et  armez  de  la  puissance  de  Dieu,  et  cognoissans  que  Satan  a  une  si  grande  puissance  en  nous,  que  nous  recourions  au  refuge  a  celuy  qui  nous  peut  fortifier.  Voila  donc  a��  quoy  l'Escriture  regarde.  Et  puis  pour  le  second,  elle  nous  veut  aussi  monstrer  la  bonte  paternelle  de  Dieu  envers  nous,  entant  qu'il  nous  supporte  comme  ses  enfans,  et  qu'il  ne  donne  point  telle  licence  sur  nous,  que  nostre  ennemi  desireroit  bien,  et  mesme  qu'il  ne  prendroit  point  plaisir  a  nous  affliger,  n'estoit  qu'il  cognust  que  cela  fust  propre  pour  nostre  salut.  Vray  est  qu'il  nous  faut  avoir  cela  pour  resolu,  quand  nous  ne  cognoissons  point  pourquoy  Dieu  nous  afflige,  que  nous  le  confessions  tousiours  estre  iuste  :  mais  cependant  si  faut-il  encores  que  nous  ayons  ceste  doctrine  imprimee  en  nos  coeurs,  c'est  a  savoir  que  Dieu  nous  aime  si  tendrement,  qu'il  ne  demande  sinon  a  nous  reduire,  il  nous  espargne,  il  nous  tient  comme  en  son  giron  :  car  voila  comme  l'Escriture  en  parle.  Maintenant  donc  quand  nous  voyons  que  Satan  vient  allumer  le  feu,  et  qu'il  demande  a  Dieu  que  Iob  soit  persecute,  notons  que  l'Escriture  nous  monstre  que  Dieu  ne  nous  traite  point  si  rudement  sans  cause,  que  ce  n'est  point  a  la  poursuite  de  nostre  ennemi,  d'autant  qu'il  ne  demanderoit  sinon  de  nous  tenir  a  repos,  et  a  nostre  aise,  s'il  nous  estoit  expedient  :  mais  pource  qu'il  est  bon  que  nous  soyons  ainsi  exercez  par  afflictions,  voire  par  les  mains  de  Satan.  Et  bien,  Dieu  luy  permet,  d'autant  qu'il  cognoist  qu'il  est  bon  et  profitable  pour  nous.  Voila  (di-ie)  ce  que  nous  avons  a  noter.  Or  qu'ainsi  soit,  prenons  un  exemple  divers.  Au  premier  livre  des  Rois  dernier  chapitre,  il  est  parle  aussi  bien  comme  Dieu  a  tenu  ses  assises,  il  y  a  une  telle  description  comme  elle