31:74  agnoscere  iudicem,  qui  nos  ad  suum  tribunal  reos  citat:  quando  sponte  non  antevertimus  eius  iudicium.  Sed  quia  saepe  fit  ut  homines,  dum  coguntur  sentire  iratum  sibi  esse  Deum,  potius  ad  impias  querimonias  prosiliant,  quam  se  ipsos  incusent,  ac  sua  peccata  :  notandum  est,  Davidem  non  simpliciter  quidquid  sustinet  malorum  Deo  ascribere,  sed  fateri  iustam  rependi  mercedem  suis  peccatis.  Non  enim  expostulat  cum  Deo,  quasi  infestus  saeviat  absque  causa:  sed  arguendi  et  castigandi  partes  ei  tribuens,  tantum  optat  poenis  statui  modum,  quibus  verbis  declarat  iustum  esse  scelerum  ultorem.  Caeterum,  ubi  confessus  est  iure  se  corripi,  summum  ius  vel  rigorem  deprecatur.  Neque  enim  poenam  omnino  refugit,  quod  iniquum  esset,  atque  ei  quoque  noxium  magis  esset  quam  utile:  sed  tantum  iram  Dei  exhorret,  quae  interitum  peccatoribus  minatur.  Nam  irae  et  furori  tacite  opponitur  paterna  et  levis  castigatio  :  sicuti  ex  Ieremiae  verbi��  10.  24,  patet:  Castiga  me,  inquit,  Domine:  sed  in  iudicio,  non  in  ira  tua.  Dicitur  quidem  irasci  Deu&  peccatoribus,  quoties  illis  poenas  infligit,  sed  improprie:  quia  non  modo  aliquam  gratiae  suae  dulcedinem  aspergit,  quae  dolorem  mitiget,  sed  poenae  temperans,  et  clementer  manum  suam  sustinens,  se  illis  propitium  esse  demonstrat.  Quia  tamen  necesse  est,  quoties  scelerum  ultor  apparet,  horrore  nos  percelli,  non  abs  re  David,  pro  carnis  sensu,  iram  et  furorem  eius  metuit.  Sensus  ergo  est:  Ego  quidem  Domine  dignum  me  fateor  quem  in  nihilum  redigas:  sed  quia  ferendae  tuae  severitati  par  non  essem,  ne  me  pro  meritis  tractes:  quin  potius  ignoscas  peccata,  quibus  iram  tuam  in  me  provocavi.  Nos  vero  quoties  rebus  adversis  prememur,  discamus,  exemplo  Davidis,  ad  hoc  remedium  confugere  ut  Deo  reconciliemur:  quia  minime  sperandum  est  ut  nobis  bene  sit  ac  prospere,  nisi  ipso  favente.  Unde  sequitur,  nunquam  defore  malorum  congeriem,  donec  peccata  nobis  remittat.  3.  Miserere  mei  Iehova,  quia  infirmus  sum:  sana  me  Iehova,  quia  territa  sunt  ossa  mea.  4.  Et  anima  mea  territa  est  valde:  et  tu  Iehova  usquequo?  3.  (Miserere  mei.)  Quum  Dei  misericordiam  implorat,  hinc  melius  patet,  irae  et  furoris  nominibus  non  saevitiam  vel  immodicum  rigorem,  sed  tantum  iudicium  notasse,  quale  Deus  in  reprobos  exercet,  quibus  clementer  tanquam  filiis  non  parcit.  Nam  si  de  iniusta  poenae  gravitate  conquestus  foret,  nunc  tantum  subiiceret:  Moderare  tibi,  ne  delicti  mensuram  puniendo  excedas.  Ergo  ad  solam  misericordiam  se  conferens,  nihil  se  aliud  optare  ostendit,  quam  ne  secum  iure  agatur.  Iam  quo  Deus  ad  ignoscendum  magis  propensus  sit,  se  prope  deficere  testatur.  Infirmum  enim  (ut  prius  admo-