27:74  le  pourmeine,  il  est  tracasse  comme  un  povre  homme  qui  ne  trouve  point  un  anglet  pour  se  cacher.  Autant  en  vient-il  a  Isaac  son  fils,  Iacob  en  est  banni  toute  la  fleur  de  son  aage:  et  quand  il  retourne  en  sa  vieillesse,  encores  faut-il  qu'il  soit  remue  souvent,  et  a  la  fin  Dieu  le  prend  en  Egypte.  Voila  comme  une  maison  reclue  et  confinee.  Et  ou  est  ceste  terre  de  Canaan  qui  estoit  l'heritage  que  Dieu  leur  avoit  promis?  Ils  en  sont  privez.  Il  est  vray  que  Iacob  apres  qu'il  est  trespasse,  y  fait  apporter  son  corps,  c'est  a  dire,  qu'il  l'avoit  ainsi  ordonne:  mais  si  est-ce  que  le  peuple  demeure  en  Egypte,  et  semble  que  Dieu  se  soit  mocque  en  disant:  Vous  serez  heritiers  de  ceste  terre.  Or  quand  Dieu  retire  ce  peuple-la  de  ceste  servitude,  et  cruelle  tyrannie  ou  il  est,  c'est  comme  une  resurrection  des  morts,  c'est  comme  s'il  le  tiroit  hors  du  sepulchre.  Et  ainsi  donc  le  peuple  est  exhorte  en  ce  passage  de  cognoistre  qu'il  doit  attribuer  ceste  redemption  a  la  promesse  qui  avoit  este  faite  long  temps  auparavant.  Et  de  nostre  coste  en  general  nous  avons  une  admonition  bien  utile.  Toutes  fois  et  quantes  que  nous  sommes  endormis,  et  que  nous  ne  pensons  point  assez  aux  benefices  de  Dieu  pour  sentir  sa  main  et  sa  vertu:  que  nous  venions  a  ses  promesses,  afin  que  ce  nous  soit  une  clarte  pour  nous  monstrer  le  bon  chemin.  Voila  pour  un  item.  Or  cependant  nous  voyons  comme  Dieu  a  desploye  sa  puissance,  quand  il  a  ainsi  multiplie  ce  peuple.  Car  qui  eust  attendu  que  de  septante  personnes  il  y  en  deust  sortir  sept  cens  mille,  et  encores  plus  ?  C'est  une  chose  incroyable,  si  nous  regardons  au  cours  naturel:  en  trois  cens  ans  que  septante  personnes  soyent  ainsi  creues,  et  multiplices.  Quand  il  en  fust  sorti  dix  mille,  ou  vingt  mille,  encores  cela  pourroit  estre  impute  au  cours  de  nature:  mais  quand  ii  y  en  a  cent  mille,  deux,  trois,  et  qu'il  vient  iusques  a  un  tel  nombre  de  sept  cens  mille,  chacun  s'y  trouve  esbahi,  et  ne  penseroit-on  point  que  iamais  la  chose  eust  este  possible.  Mais  il  ne  nous  faut  point  mesurer  ce  que  Dieu  peut  selon  nostre  sens:  car  il  a  ainsi  voulu  besongner  d'une  facon  estrange,  et  incogneue,  afin  qu'on  fust  contraint  de  iuger  que  c'estoit  son  oeuvre.  Car  si  Dieu  besongne  envers  nous  d'une  facon  commune,  nous  sommes  si  ingrats  qu'il  nous  semble  que  la  chose  soit  advenue  de  cas  fortuit,  ou  par  nostre  industrie,  ou  par  quelque  faveur,  ou  moyen  gue  nous  avons  trouve  au  monde  :  nous  despouillons  tousiours  Dieu  de  son  honneur.  Il  est  vray  que  nous  ne  dirons  pas  que  nous  le  vueillions  faire,  nous  protestons  aussi  de  l'opposite:  mais  tant  y  a  que  les  hommes  sont  si  malins,  qu'ils  obscurcissent  tousiours  la  vertu,  et  la  bonte  de  Dieu  entant  qu'en  eux  est.  Il  faut  donc  que  Dieu  nous  amene  oar  force  a  la  cognoissance  de