22:74  conserver  et  delivrer.  Cest  iugement  que  de  resister  a  laudace  des  meschans,  comprimer  la  violence  et  punir  les  forfaictz.  Dautre  coste  le  debvoir  mutuel  des  subiectz  est  de  non  seulement  honorer  et  reverer  leurs  superieurs,  mais  de  recommander  au  Seigneur  par  prieres  leur  salut  et  prosperite,  et  de  voluntiers  se  sousmectre  a  leur  domination,  obeir  a  leurs  edictz  et  constitutions  et  de  ne  refuser  les  charges  qui  par  eulx  sont  imposees:  soient  tailles,  peages  ou  tributz  et  autres  rentes,  ou  soient  offices  et  commissions  civiles,125)  et  tout  ce  qui  est  de  telle  maniere.  Et  ne  fault  pas  que  nous  nous  rendions  seulement  obeissans  aux  superieurs,  lesquelz  bien  a  droict  et  selon  que  leur  devoir  est  administrent  leur  superiorite,126)  mais  aussi  il  convient  de  endurer  ceulx  la  lesquelz  abusent  tyranniquement  de  leur  puissance,  iusques  a  ce  que  par  ordre  legitime  nous  ayons  este  delivrez  de  dessoubz  leur  ioug.  Car  comme  un  bon  prince  est  un  tesmoignage  de  la  beneficence  divine  pour  conserver  le  salut  des  hommes,  ainsi  un  mauvais  et  meschant  est  un  fleau  de  Dieu  pour  chastier  les  pechez  du  peuple.  Toutesfois  cecy  soit  generalement  tenu  pour  certain  que  tant  aux  uns  que  aux  autres  la  puissance  est  donnee  de  Dieu,  et  que  nous  ne  leur  povons  resister  que  nous  ne  resistions  a  lordonnance  de  Dieu.  Mais  en  lobeissance  des  superieurs  il  fault  tousiours  excepter  une  chose:  cest  quelle  ne  nous  retire  de  lobeissance  de  celluy  aux  edictz  duquel  il  convient  que  les  commandemens  de  tous  roys  cedent.  Le  Seigneur  doncques  est  le  roy  des  roys,  lequel  quand  il  a  ouvert  sa  tres  sacree  bouche  est  a  ouyr  seul  pour  tous  et  pareillement  par  dessus  tous.  En  apres  nous  sommes  subiectz  aux  hommes  lesquelz  sont  constituez  sur  nous,  mais  non  point  autrement  quen  luy.  Silz  commandent  quelque  chose  contre  luy,  on  nen  doibt  rien  faire  ne  tenir  compte,  ains  plustost  celle  sentence  aye  lieu:  Quil  fault  plus  obeir  a  Dieu  que  aux  hommes.  (Act.  4).  Isaie  5127).  Mon  peuple  a  este  captif,  pourtant  quil  na  pas  eu  science.  Psal.  119.  En  quoy  amender  a  ladolescent  sa  voye?  En  y  prenant  garde  selon  ta  parolle.  125)  seu  vectigalia  seu  tributa  seu  munera  civilia.  126I  imperium.  127)  Ces  textes  manquent  dans  le  latin.