21:74  conclusion,  afin  de  monstrer  le  babil  effronte  de  ce  vilain,  *)  il  adiousta  :  Et  pleust  a  Dieu  que  celuy  qui  a  ici  voulu  alleguer  sainct  Augustin,  en  eust  veu  a  bon  escient  quelque  chose  plus  que  la  couverture.  Apres  Calvin,  ledit  Farel  fit  encore  a  la  compagnie  une  brieve  remonstrance,  pleine  de  zele  et  maieste,  afin  qu'aucun  n'eust  a  se  destourner  de  la  saine  doctrine.  Monsieur2)  le  moine  ne  seut  que  repliquer:  mais  partant  de  la,  un  des  seigneurs  de  la  iustice,  homme  de  bon  zele,  le  fit  mettre  en  prison.  Ou  derechef  par  plusieurs  fois  et  a  divers  iours,  Calvin  avec  ses  compagnons  estant  appele  par  la  Iustice,  le  conveinquit  et  de  bouche  et  par  escrit  bien  au  long:  ioint  qu'encore  on  eut  sur  cest  affaire  l'advis  des  Eglises  de  Suisse:  tellement  que  rien  ne  demeura  a  cest  adversaire  de  verite  qu'une  seule  impudence  Monachale:  laquelle  il  monstra  mesme  devant  le  siege  Iudicial  le  23.  de  Decembre,  quand  sentence  de  bannissement  luy  fut  prononcee  a  son  de  trompe,  a  la  maniere  accoustumee.  Mais  ce  n'est  pas  de  merveille:  car  tousiours  depuis  elle  Fa  rendu,  et  rend  encores  auiourd'huy  puant  a  tout  homme  qui  a  quelque  bon  sentiment:  veu  qu'il  est  condamne  par  son  propre  iugement  comme  il  sera  monstre  par  tesmoignage  de  sa  main,  toutes  fois  et  quantes  que  besoin  sera.  Car  ce  malheureux,  qui  avoit  merite  punition  pour  un  acte  seditieux,  estant  traitte  par  le  Magistrat  en  toute  douceur,  a  cause  qu'on  estimoit  qu'il  y  auroit  ci  apres  quelque  remede  a  son  ignorance  sophistique,  apres  avoir  fait  tant  de  scandales  et  de  maux  es  Eglises  circonvoisines,  se  voyant  par  trois  fois  dechasse  des  terres  des  Seigneurs  de  Berne:  a  la  fin  estant  intolerable  \_d  5]  a  chacun  a  donne  gloire  a  Dieu  recognoissant  ses  fautes,  et  sur  tout  sa  mauvaise  conscience,  a  Orleans  en  plein  Synode  general  des  Eglises  Francoises,  l'an  1562  tellement  qu'on  esperoit  quelque  chose.  Mais  depuis  estant  derechef  saisi  d'un  mesme  mauvais  esprit,  est  retourne  a  ses  premieres  erres:  et  dechasse  de  tous,  comme  il  en  est  digne,  sert  encores  aujourd'huy  par  tous  les  lieux  ou  il  se  pourmene,  de  tesmoignage  de  l'ire  de  Dieu  contre  ceux  qui  resistent  a  Verite  Au  reste,  lors  qu'il  fit  ce  scandale  en  ceste  Eglise  de  Geneve,  il  n'y  a  point  de  doute  que  sans  le  remede  que  Dieu  y  mit  par  son  serviteur,  c'estoit  un  commencement  de  grande  dissipation  :  car  aucuns  des  simples  y  estoyent  abusez,  et  les  malins  estoyent  bien  aises  d'avoir  quelque  occasion  de  s'escarmouscher.  De  fait,  on  vit  un  tesmoignage  de  ce  que  dit  sainct  Paul  en  la  1.  aux  Corinthiens,  chap.  II,  que  quand  il  survient  des  heresies,  on  cognoit  ceux  qui  ont  suivi  la  parole  de  Dieu  sans  feintise.  Car  combien  que  ceux  qui  se  mesprenoyent  apres  ce  trompeur  1)  de  Bolsec  F.  2)  Monsieur  om.  F.