19:74  Servantissimo  viro  et  domino  suo  colendissimo  D.  Ioanni  Calvino  ecclesiae  Genevensis  pastori  vigilantissimo  Dentur  Genevae.  Perpetuum  S.  F.  incrementum.  Tranquillitatem  rerum  nostrarum  interturbavit  adventus  Reginae.  Nam  triduo  postquam  illa  appulerat  1)  erectum  est  rursus  idolum  illud  missalicum.  Semetipsos  apposuerunt  viri,2)  etsi  pauci,  graves  et  autoritate  clari,  ratiocinantes  se  non  posse  sana  conscientia  permittere  ut  terra  illa,  quam  Dominus  verbi  sui  efficacia  ab  externa  idolatria  purgarat,  rursus  ipsis  adspicientibus  eisdem  inquinamentis  foedaretur.  Verum  quia  maior  pars,  etiam  eorum  qui  nobiscum  adhuc  in  doctrina  consentiunt,  diversum  suasit,  vicit  tunc  impietas,  quae  et  hodie  sibi  vires  acquirit.  Habent  posteriores  quod  indulgentiae  suae  praetexant,  affirmare  secundum  Reginam  omnes  verbi  ministros  (et  te  quoque)  in  hac  esse  sententia,  quod  nobis  non  licet  prohibere  quominus  illa  suam  religionem  aperte  profiteatur.  Quem  rumorem  tametsi  ego  ut  falsissimum  subinde  reprehendo,  radices  tamen  in  multorum  cordibus  sic  egit  ut  ego  revellere  non  possim,  nisi  ex  te  sciam  an  huiusmodi  quaestio  ad  vestram  ecclesiam  proposita  sit,  et  ad  illam  quoque  quid  responderint  fratres.  Tibi  perpetuo  molestus  sum,  et  alium  non  habeo  in  cuius  sinum  curas  meas  reiiciam.  Ingenue  fateor,  mi  pater,  me  nunquam  antea  sensisse  quam  grave  et  difficile  fuerit  adversus  hipochrisim  pietate  fucatam  pugnare.  Apertos  hostes  nunquam  sic  timui,  quum  in  mediis  aerumnis  victoriam  sperarem:  at  ita  nunc  me  vulnerat  haec  perfida  a  Christo  defectio  (quae  ab  illis  indulgentia  tantum  nominatur)  ut  indies  mihi  vires  deficiant.  Multa  hic  feruntur  de  Cranstono  3)  quodam  nostrate  quem  mentiuntur  papistae  argumentorum  vehementia  adegisse  te  ad  multarum  rerum  palinodiam  quas  prius  in  scriptis  tuis  affirmaveras.  Sed  haec  tanquam  ridicula  praetereo.  Scripsisset  ad  te  comes  Arrianus,4)  sed  aberat.  Salutat  te  Iacobus  3584.1)  Quod  factum  est  d.  20.  Augusti  1561  in  portu  Leithen  si  postquam  per  tredecim  annos  absens  fuerat.  2)  inter  quos  ipse  acerrimus  fuit,  qui  vel  missam  in  privato  Begmae  sacello  celebrandam  esse  negabat.  {M1  Crie,  life  of  Kn.  Ed.  III.  1814.  II.  24.  Weber,  akath.  K.  m  Grossbr.  IL  600.)  3)  Mr.  William  Cranstons  that  passed  latlie  by  you,  a  great  favorer  of  papystes,  is  happelie  ded  in  thys  myscnevous  worlde.  (Randolph  to  Sir  W.  Cecill  24.  Sept.  1562,  ap.  Laing.  I.  I  vi.  144.)  4)  James  Arran,  filius  ducis  de  ChasteiierauU,  regni  Scotiae  nuper  procuratoris.  Illum  Hamiltoniana  factio  reginae  maritum  destinabat,  altera  Stuartum.