13:74  veu  puisse  estre  acompare  a  celluy  de  Josias,  et  que  vous  luy  mettiez  les  choses  en  tel  estat,  quil  nayt  qua  maintenir  le  bon  ordre  que  Dieu  luy  aura  prepare  par  vostre  moyen.  Ie  vous  allegueray  ung  exemple  de  telles  corruptions  qui  porroient  rester,  pour  estre  comme  ung  peu  de  levain  qui  en  la  fin  aigrira  la  paste.  Il  se  faict  de  par  dela  quelque  oraison  pour  les  trespassez,  quand  on  communique  a  la  cene  de  nostre  Seigneur.  Ie  scay  bien  que  ce  nest  pas  pour  advouer  le  purgatoire  du  Pappe.  Ie  scay  aussi  quon  peult  alleguer  la  coustume  ancienne,  de  faire  quelque  memoyre  des  trespassez  afin  de  unir  ensemble  tous  les  membres  du  corps.  Mais  il  y  a  ung  argument  peremptoire  au  contraire,  que  la  Cene  de  Iesus  Christ  est  ung  acte  si  sacre  qui  ne  doibt  estre  souille  par  nulles  inventions  humaines.  Davantaige  quen  priant  Dieu,  il  ne  fault  point  lacher  la  bride  a  noz  devotions,  mais  tenir  la  reigle  que  Sainct  Paul  nous  donne.  Cest  que  nous  soyons  fondez  en  la  parolle  de  Dieu.  Ainsi  telle  memoyre  qui  emporte  recommandation,  nest  convenable  a  la  forme  de  bien  et  deuement  prier,  et  est  une  addition  mauvaise  a  la  saincte  Cene  de  nostre  Seigneur.  Il  y  a  daultres  choses  qui  possible  seroient  moins  a  reprendre,  qui  toutesfois  ne  sont  a  excuser  comme  la  ceremonie  de  Cresme  et  onction.  Le  Cresme  a  este  invente  dune  fantasie  frivolle  par  ceulx  qui  ne  se  contentoient  point  de  linstitution  de  Iesus  Christ,  et  qui  ont  voulu  contrefaire  le  Sainct  Esprit  par  ung  signe  nouveau,  comme  si  leau  neust  point  suffy  a  cela.  Lextreme  onction  quon  appelle  a  este  retenue  par  ung  zelle  inconsidere  de  ceulx  qui  ont  voulu  ensuyvre  les  Appostres,  nayant  pas  le  mesme  don  quiceulx  avoient.  Car  quand  les  Appostres  ont  use  dhuile  sur  les  malades,  cestoit  pour  les  guerir  miraculeusement.  Quand  le  miracle  est  cesse,  la  figure  ne  doibt  plus  estre  en  usage.  Parquoy  il  seroit  beaucoup  meilleur  que  ces  choses  fussent  retranchees,  tellement  que  vous  neussiez  rien  qui  ne  fust  conforme  a  la  pure  parolle  de  Dieu,  et  qui  ne  servit  a  ledification  de  lEglise.  Vray  est  quon  doibt  supporter  les  infirmes,  mais  ceot  pour  les  fortifier,  et  les  amener  a  plus  grande  perfection.  Cela  nest  pas  a  dire  ce  pendant  quil  faille  complaire  aux  folz  qui  appettent  cecy  ou  cela,  ne  sachant  pourquoy.  Ie  scay  la  consideration  dont  plusieurs  sont  retenuz,  cest  quiJz  craignent  quun  trop  grand  changement  ne  se  puisse  porter,  Mesmes  quand  on  a  esgard  aux  voysins  avec  lesquelz  on  desire  de  nourrir  amytie,  on  leur  veult  bien  gratifier  en  callant  beaucoup  de  choses.  Cela  seroit  a  supporter  en  affaires  mondains  ou  il  est  licite  de  conceder  lun  a  laultre,  et  de  quicter  de  son  droict  pour  rachepter  paix:  mais  ce  ,nest  pas  tout  ung  du  regime  spirituel  de  lEglise,  lequel  doibt