10.1:74  templum  conveniunto  :  et  suis  locis  sedentes  religiose  et  attente  conciones  audiunto.  In  singulis  templis  aliquis  ex  hypodidascahs  tempestive  adesto:  suos  diligenter  observato.  Finita  concione,  quum  ita  opus  erit,  recitari  catalogum  iubeto:  et  absentes  ac  minus  attentos  notato.  Ii  vero  postridie,  si  in  culpa  fuerint,  pro  ratione  criminis  in  schola  publice  puniuntor.  Diebus  Lunae,  Martis,  Iovis  et  Veneris,  scholastici  aestate,  hora  sexta  matutina:  hyeme,  septima,  in  suum  quique  auditorium  conveniunto.  In  singulis  classibus  decuriatim  distribuuntor.  Decuriae  pro  ratione  profectus,  nulla  nec  generis  nec  aetatis  habita  ratione,  describuntor.  Decuriones  primi  in  suis  decuriis  sedento,  et  eas  diligenter  observanto.  Ubi  convenerint,  in  singulis  auditoriis  a  peculiaribus  precibus,  quae  in  Catechismo  habentur,  incipiunto,  easque  preces  suo  quisque  die  vicissim  reverenter  recitato.  Postea  nominatim  singuli  ex  catalogo  recitantor.  Si  quis  abfuerit,  vel  tardius  venerit,  causa  cognita,  vel  absolvitor,  vel  moderate  castigatos  Mendacia  hic  in  primis  puniuntor.  Deinde  praeceptorem  aestate  per  sesquihoram  audiunto.  Postea  semihora  ientaculo,  sine  ullo  tumultu,  [pag.  14]  et  praeeuntibus  precibus,  data,  aestate  ad  nonam  usque  erudiuntor:  hyeme  vero,  a  septima  ad  nonam,  instituuntur,  ita  ut  ientaculum  non  impediat  praelectionem,  sumptum  videlicet  tantisper  dum  pueri  recitant  textum  quem  vocant.  Finitis  praelectionibus  matutinis,  oratio  Dominica  cum  brevi  gratiarum  actione  in  singulis  classibus  a  quopiam  per  vices  recitator.  Discedentes  officii  admonentor.  Et  ita  tandem  omnes  domum  de  more  deducuntor,  a  binis  infimis  hypodidascalis,  nempe  septimae,  sextae,  quintae  et  quartae  classis,  vicissim.  A  prandio  iisdem  diebus  hyeme  et  aestate  hora  undecima  in  ludum  reversi,  ad  meridiem  usque  Psalmos  reverenter  canunto.  A  meridie  ad  primam  docentor.  Inde  hora  una  partim  merendae,  partim  scriptioni,  aut  aliis  studiis  data,  a  secunda  ad  quartam  instituuntur.  Ubi  quarta  audita  fuerit,