8:738  1.  Sus  le  premier  interrogat  respond  quil  na  point  este  condamne  de  ce  tems  la  mais  quil  est  bien  vray  quil  avoit  faict  ung  livre  de  la  Trinite.  2.  Sus  le  second,  Respond  quil  a  desia  confesse  que  de  ce  tems  la  il  fit  ung  livre  et  quil  peult  avoir  failli.  Item,  quelle  faulte?  dict  que  quand  a  luy  et  selon  luy  et  sa  conscience  il  entend  avoir  bien  dict.  3.  Item  sus  le  troys,  Respond  quil  nentend  point  avoir  failli  en  ses  anotations  quil  a  faictes,  et  que  cela  se  vend  publiquement  par  toute  la  chrestiente  et  quil  la  leu  a  parys.  4.  Sus  le  quatriesme,  Respond  que  ceste  annee  il  a  faict  ung  livre  intitule  Christianismi  restitutio,  et  quil  nentend  point  y  avoir  blaspheme,  et  luy  est  exhibe  le  livre,  lequel  il  confesse  avoir  faict  et  corrige  et  faict  imprimer.  Et  que  Monsieur  Calvin  la  poursuyvi  tellement  quil  na  tenu  audiet  Calvin,  comme  il  dict,  quil,  ledict  constitue,  nayt  este  brusle  tout  vifz.  5.  Sus  le  cinquiesme,  Respond  quil  est  vray  et  quil  la  faict  pour  sa  vie.  6.  Sus  le  sixiesme,  Respond  quil  croit  en  lessence  divine  en  1)  troys  personnes  et  quil  na  point  dogmatise  en  celle  sorte.  Vray  est  quil  prent  le  nom  de  personne  aultrement  que  les  modernes  ne  le  prennent  et  quil  le  prent  comment  les  premiers  docteurs  de  leglise  et  disciples  des  apostres  lont  prys.  7.  Sus  le  septiesme,  Respond  que  il  a  dict  que  la  distinction  realle  en  Dieu  j  feroit  quelque  division  en  Dieu,  non  pas  la  distinction  personelle,  et  que  cela  sembleroit  monstre.  Interroge  sil  entend  que  la  Trinite  soit  troys  diables  et  soit  troys2)  Cerberus,  respond  que  non,  et  quil  ne  la  point  dict  en  ceste  .sorte  et  quil  ne  le  veult  point  maintenir.  8.  Sus  le  huictiesme,  Respond  quil  na  point  nomme  Melanchton  en  livre  qui  soit  publie,  mais  quil  lavoit  escript  a  Monsieur  Calvin  par  ung  sien  escript  et  que  Melanchton  luy  a  dit  de  plus  grans  iniures  en  des  livres  publies  et  Calvin  aussi.  Et  quant  aux  docteurs,  quil  a  suyvy  les  plus  anciens  docteurs  et  quil  ne  laisse  quelque  foys  lopinion  de  ceulx  qui  sont  nommez  en  linterroguat,  et  quil  en  prend  de  plus  vieux  que  eulx.  9.  Sus  le  neufviesme,  Respond  quil  ne  le  dit  pas  ainsin  mais  quil  croit  fermement  que  Iesus  Christ  est  filz  de  Dieu  eternellement  et  engendre  du  sainct  esprit  en  la  vierge  Marie  et  quil  est  filz  de  Dieu  selon  la  divinite  et  humanite.  10.  Sus  le  dixiesme,  Respond  quil  ne  la  pas  dict  ainsin.  1)  Trechsel  ornet:  en.  2)  Trechsel:  un.  47