9:737  737  CONFESSIONES.  738  fera  reluire  nostre  innocence  comme  l'aube  du  iour.  Et  d'autant  plus  que  le  train  que  nous  suyvons  sera  cogneu  il  y  aura  de  quoy  nous  glorifier  en  sa  grace.  Il  reste  encore  a  repousser  un  blasme,  cest  qu'on  ne  se  doit  point  cacher  en  bien-faisant.  Sur  quoy  plusieurs  concluent  que  nulles  assemblees  secretes  ne  peuvent  estre  approuvees.  Mais  que  ne  s'adressent-ils  a  ceux  qui  nous  ostent  la  liberte  de  nous  exposer  a  la  veue  d'un  chacun?  Gar  nons  n'aurions  point  honte,  encores  qu'on  nous  monstrast  au  doigt,  et  qu'on  nous  crachast  au  visage,  de  confesser  nostre  Chrestiente.  Mais  puis  que  Dieu  ne  nous  ordonne  point  de  nous  ietter  a  nostre  escient  en  la  gueule  des  loups,  mesme  nous  advertit  de  cheminer  prudemment,  afin  de  ne  provoquer  point  leur  rage,  pourquoy  n"aurons  nous  conge  de  nous  tenir  a  couvert  et  nous  assembler  tout  coyement,  sans  faire  bruit  ne  donner  occasion  a  personne  de  s'escarmoucher  ?  Toutesfois  il  ne  semble  pas  que  nous  ayons  besoin  de  plus  longue  defense,  veu  que  ce  n'est  point  seulement  nostre  propre  cause,  mais  que  plustost  les  Apostres  et  Martyrs  sont  assaillis  en  nos  personnes.  Car  *ils  n'ont  pas  eu  les  temples  et  places  publiques  a  leur  commandement  pour  y  prescher,  faire  confession  de  foy,  offrir  a  Dieu  sacrifice  d'oraisons  et  louanges,