23:737  737  SERMONS.  738  outre.  Il  est  dit  que  Dieu  a  donne  la  terre  de  Chanaan  a  Abram:  elle  luy  estoit  desia  donnee  comme  nous  avons  veu  au  douaiesme  chapitre.  Et  cela  luy  a  este  reitere  par  plusieurs  fois:  il  en  a  maintenant  les  oreilles  batues.  Il  sembleroit  done  que  ce  fust  un  langage  inutile  et  superflus:  mais  comme  i'ay  desia  dit,  c'a  este  un  grand  bien  inestimable  a  Abram,  quand  il  se  peut  ainsi  refraischir,  et  prendre  courage,  a  fin  de  ne  point  faillir,  mais  poursuyvre  tousiours  la  saincte  vocation  de  Dieu.  Au  restre,  notons  bien  que  Dieu  l'entretient  seulement  de  paroles  :  et  en  cela  nous  voyons  l'honneur  que  nous  luy  devons  porter,  voire  et  ne  point  nous  defier  de  luy,  encore��  que  l'effect  de  ce  qu'il  nous  promet  n'apparoisse  point  devant  nos  yeux:  mais  que  nous  soyons  tenu  tellement  en  suspend.  Il  dit:  Ie  t'ay  attire  en  ceste  terre,  la  quelle  ie  te  donne.  Et  bien  Seigneur  tu  as  promis  de  me  la  donner  voirement  :  me  voici  desia  ancien  et  caduque,  et  quand  le  temps  viendra-il?  O,  ne  te  chaille  ie  te  seray  propice.  Et  voire,  mais  ou  est  la  monstre  de  ce  que  i'ay  attendu  par  ci  devant?  Ie  m'en  vay  mourir,  et  ie  demeure  tousiours  un  povre  estranger,  ie  n'ay  point  mesme  de  semence  [pag  2ll]  (comme  il  a  dit  par  cidevant)  etquesera-ce  donc  Seigneur?  Or  si  faut-il  que  ma  parole  te  suffise.  Voila  donc  la  nature  de  la  foy,  que  nous  ayons  les  yeux  clos,  et  tous  nos  sens  arrestez  pour  nous  assuiettir  a  la  volonte  de  Dieu,  et  pour  donner  lieu  a  sa  verite.  Il  faut  bien  que  nous  ayons  les  oreilles  ouvertes  et  attentives  pour  recevoir  ce  que  Dieu  nous  dira:  et  quand  il  nous  aura  donne  le  mot,  que  nous  concluons  qu'ainsi  sera.  Et  comment?  Or,  ce  n'est  pas  a  nous  d'en  deviser,  cela  n'est  pas  a  nostre  disposition:  mais  il  nous  le  faut  laisser  au  conseil  et  a  la  volonte  de  Dieu,  comme  nous  avons  desia  dit.  Voila  donc,  comme  il  nous  faut  honnorer  Dieu  adioustant  foy  a  sa  saincte  parole.  Au  reste  nous  avons  tousiours  a  noter  ce  qui  a  este  declaire  ci  dessus,  c'est  assavoir,  que  Dieu  a  donne  simplement  pour  gaige  la  terre  de  Chanaan  a  son  serviteur,  et  qu'il  ne  l'a  pas  voulu  amuser.  Car  c'eust  este  aussi  une  recompense  bien  maigre,  et  bien  froide  pour  Abram,  s'il  n'eust  eu  que  ceste  terre-la.  Car  il  est  certain  qu'il  a  este  mene  d'un  autre  esprit,  c'est  qu'il  a  veu  mesme  le  iour  de  nostre  Seigneur  Iesus  Christ,  comme  il  en  est  parle  au  huitieme  chapitre  de  sainct  Iehan:  et  puis  il  s'est  confesse  pelerin  en  ce  monde:  il  avoit  donc  son  heritage  ailleurs.  Et  pour  tant  quand  il  luy  dit  que  ceste  terre  luy  est  [pag.  212]  donnee  en  heritage  ce  n'est  pas  son  dernier  but,  son  affection  n'est  pas  la  fichee  ni  envelopee:  mais  il  va  plus  outre.  Car  comme  desia  nous  avons  veu,  puis  qu'il  a  renonce  le  pays  de  sa  naissance  et  qu'il  l'a  quitte  pour  vivre  ejf  pays  estrange  et  incognu,  il  falloit  bien  qu'il  tenait  au  ciel.  Calvini  opera.  Vol  XXIII.