9:735  735  CONFESSIONES.  736  lesquelles  sont  aussi  repugnantes  a  la  parole  de  Dieu  comme  est  le  feu  a  Veau.  Vray  est  que  ce  traicte  ne  porte  pas  d9en  faire  plus  longue  preuve  :  mais  par  tout  ou  on  nous  voudra  donner  audience,  nous  ferons  toucher  au  doigt  que  les  plus  grandes  devotions  qui  sont  en  la  Papaute  sont  autant  de  sacrileges  abominables,  ausquels  nous  ne  pouvons  consentir  sans  nous  profaner  et  deroguer  a  l'honneur  de  Dieu.  Le  principal  de  toute  la  sainctete  des  Papistes  est  en  la  Messe:  toutesfois  si  on  fait  comparaison  d'icelle  avec  la  saincte  Cene  de  nostre  Seigneur  Iesus  Christ,  ou  trouvera  que  le  diable  n'eust  sceu  dresser  une  plus  grande  contrariete,  nts  plus  enorme.  Mais  sans  entrer  en  plus  haute  question  ne  dispute,  nous  disons  en  un  mot,  quand  il  nous  est  commande  de  fuir  l'idolatrie,  et  de  nous  garder  impoilus  corps  et  ame,  qu'il  nous  est  par  cela  estroitement  defendu  d'approuver  par  nostre  presence  les  meslinges  par  lesquels  le  service  de  Dieu  est  corrompu.  Si  on  nous  demande  quels  Us  sont1  et  pourquoy  nous  les  detestons  ainsi,  nous  sommes  prests  de  les  deschiffrer  par  le  menu.  Quand  nous  sommes  forclos  et  deboutez  de  preuve,  quelle  humanite  ou  raison  est-ce  d'assoir  condamnation  la  dessus?  Ce  nous  est  donc  un  poinct  resolu  que  pour  estre  conioints  en  vraye  chastete  spirituelle  a  nostre  Seigneur  Iesus  Christ,  il  nous  est  necessaire  d'estre  eslongnee  de  telles  pollutions.  Car  quoy  que  plusieurs  se  couvrent  de  vains  subterfuges,  ou  se  dispensent,  malheur  sur  ceux  qui  feront  semblant  de  consentir  au  mal,  sur  tout  quand  il  est  question  de  servir  a  Dieu  et  confesser  son  sainct  Nom,  qui  est  une  chose  trop  precieuse  pour  en  faire  entre  nous  si  petit  conte.  Voila  ce  qui  nous  contraint  de  nous  abstenir  des  superstitions  Papales,  c'est  qu'elles  souillent  et  infectent  tous  ceux  qui  s'y  meslent.  Si  on  replique  la  dessus  qu'il  ne  nous  est  pas  licite  pourtant  de  nous  assembler  en  prive  et  dresser  Eglise  a  part,  V  excuse  en  est  bien  aisee.  Le  peuple  de  Dieu  captif  en  Babylone  se  plaignoit  de  ne  pouvoir  chanter  les  cantiques  du  Seigneur  en  terre  estrange.  Mais  c'estoit  da  temps  qu'il  n'y  avoit  que  un  seul  lieu  ou  il  fust  permis  de  sacrifier  a  Dieu.  Auiourdhuy  la  condition  des  fideles  est  diverse,  leur  estant  permis  de  lever  par  tout  les  mains  au  ciel.  Ainsi,  quand  ils  ont  moien  de  s'assembler  pour  prier  Dieu  d'un  commun  accord  et  comme  d'une  bouche,  ils  ne  le  doyvent  pas  mespriser,  et  ne  peuvent  sans  ingratitude,  se  mettans  en  danger  de  s'aliener  de  la  foy.  Tous  n'ont  pas  ceste  commodite:  car  beaucoup  sont  dispersee  ca  et  la,  estans  solitaires  parmy  les  desers,  ausquels  il  ne  reste  autre  chose  que  gemir  en  leurs  coeurs:  mais  ceux  ausquels  Dieu  fait  ce  bien  de  leur  donner  compagnie,  en  laquelle  ils  le  reclament  et  soyent  enseignez  par  sa  Parole,  sont  obligee  d'accepter  une  telle  aide,  s'ils  ne  veulent  a  leur  escient  esteindre  la  clarte  qui  se  presente.  Car  ce  n'est  pas  en  vain  que  Dieu  a  establi  cest  ordre  entre  ses  enfans,  que  de  iour  en  iour