23:735  735  SERMONS.  736  nous  approchons  de  Dieu,  c'est  a  dire,  que  nous  voulons  avoir  accez  a  luy,  il  nous  faut  croire  qu'il  est:  et  puis  qu'il  est  remunerateur  a  ceux  qui  le  cerchent.  Nous  ne  pouvons  donc  approcher  de  Dieu  [pag.  206]  sinon  en  croyant  qu'il  est,  c'est  a  dire,  que  nous  n'ayons  point  une  opinion  douteuse  ni  envelopee.  Mais  que  nous  ayons  une  ferme  certitude  que  le  Dieu  qui  a  cree  le  ciel  et  la  terre,  est  iceluy  qui  se  propose  a  nous  et  duquel  nous  cognoissons  lavolonte  par  la  Loy  et  par  l'Evangile,  tellement  que  nous  ne  disputons  point  que  c'est  de  Dieu,  comme  ont  fait  les  povres  Payens  qui  se  sont  beaucoup  tourmentez,  et  se  sont  cependant  fourrez  en  un  labyrinthe,  dont  iamais  ne  sont  sortis.  Mais  nous  savons  que  Dieu  s'est  manifeste  a  nous  entant  qu'il  nous  estoit  utile,  voire  pour  nostre  salut.  Voila  donc  le  premier  poinct.  Le  second  est,  que  nous  croyons  aussi  qu'il  est  remunerateur  a  ceux  qui  le  cerchent.  Or  ce  mot  de  Remunerateur,  n'emporte  point  que  Dieu  nous  rende  ce  qu'il  nous  doit,  mais  c'est  que  nous  ne  serons  point  frustrez  en  nous  reposant  en  luy.  Car  il  faut  regarder  la  facon  de  le  cercher:  ainsi  si  nous  apportons  nos  oeuvres,  c'est  heurter  a  l'encontre  de  luy,  tant  s'en  faut  que  nous  y  voulions  estre  unis.  Car  voila  que  dit  sainct  Paul,  que  les  Iuifs  mesmes  quand  ils  ont  cuide  se  fier  en  leur  merites,  et  qu'ils  y  ont  mis  l'esperance  de  leur  salut,  ils  se  sont  beurtez,  dit-il.  Et  cela  a  este  cause  de  leur  faire  rompre  le  col  au  lieu  de  se  bien  avancer.  Quand  donc  nous  voudrions  cercher  [pag.  207]  Dieu,  il  ost  certain  qu'il  nous  faut  estre  despouillez  de  toute  vaine  presumption  de  nos  vertus.  Car  puis  qu'il  nous  a  adoptez  de  sa  pure  grace,  il  est  certain  que  iamais  nous  ne  luy  serons  agreables,  sinon  d'autant  qu'il  nous  pardonne  nos  pechez.  Voila  comment  il  nous  faut  estre  asseurez,  dit  l'Apostre,  qu'en  cerchant  Dieu  en  telle  sorte,  nous  ne  serons  point  frustrez.  Et  c'est  ce  qui  est  dit,  Ie  suis  le  Seigneur  qui  t'ay  tire  de  Ur  de  Chaldee  pour  t'amener  en  ceste  terre,  a  fin  que  tu  la  possedes  en  heritage.  C'est  autant  comme  si  Dieu  s'obligeoit  derechef  et  de  nouveau  a  son  serviteur  Abram,  et  qu'il  luy  declairast  qu'il  ne  faut  pas  qu'il  craigne  que  ce  qu'il  a  ouy  auparavant  ne  luy  soit  accompli:  et  combien  que  l'effect  soit  differe  et  prolonge  long*temps,  qu'il  doit  tousiours  cheminer  en  patience,  sachant  que  Dieu  ne  parle  iamais  en  vain,  et  aussi  il  a  les  temps  et  les  saisons  pour  accomplir  sa  volonte.  Et  que  cela  gist  en  luy  et  en  son  conseil,  et  qu'il  ne  se  doit  point  rapporter  a  l'appetit  des  hommes.  Mais  encores  notons  que  par  les  benefices  anciens  Dieu  conferme  la  foy  d'Abram.  Car  il  est  dit:  Ie  fay  tire  de  Ur  de  Caldee.  Et  c'estoit  une  aide  grande  a  Abram  pour  le  faire  mieux  esperer  en  Dieu,  quand  il  avoit  desia  experimente  que  Dieu  luy  avoit  este  Pere  et  sauveur.