23:734  n'y  eust  que  redire,  il  ne  falloit  plus  que  Dieu  parlast.  Et  pourquoy?  Les  promesses  ont  cest  usage  et  ceste  utilite  de  nous  attirer  a.  la  foy,  quand  nous  y  serons  venus,  pour  nous  conduire  au  bon  chemin,  pour  nous  donner  courage,  nous  inciter  de  marcher  tant  plus  vaillamment,  pour  nous  refraischir  quand  nous  serons  comme  lassez,  pour  nous  augmenter  la  vertu  quand  elle  nous  defaudroit,  et  qu'elle  seroit  [pag.  204]  aucunement  affaiblie.  Voila,  di-ie,  pourquoy  nostre  Seigneur  nous  testifie  de  sa  bonte,  et  qu'il  se  declaire  estre  nostre  Dieu,  c'est  pour  commencer  la  foy  en  nous,  ou  bien  "pour  l'amener  a  sa  perfection.  Ainsi  il  faut  conclure  qu'Abram  avoit  encores  besoin  d'estre  avance  plus  outre.  Et  par  cela  nous  voyons  que  combien  que  nostre  foy  ne  soit  point  parfaite,  que  Dieu  ne  laisse  point  pourtant  de  nous  iustifier.  Et  pourquoy?  Car  il  ne  nous  impute  point  l'infirmite  qui  y  est.  Quoy  qu'il  en  soit,  nous  sommes  admonestez  par  ce  passage  de  ne  point  estre  preocupez  d'une  folle  opinion  comme  beaucoup  de  gens  qui  cuident  estre  si  grands  ciers,  qu'ils  ne  daignent  plus  venir  a  l'escole  de  Dieu.  Cognoissons  donc,  encores  que  nous  eussions  une  foy  sans  comparaison  plus  grande  et  plus  vertueuse  qu'elle  n'est  pas  maintenant,  qu'encores  nous  faut-il  estre  escoliers  tout  le  temps  de  nostre  vie,  que  la  parole  de  Dieu  retentisse  en  nos  oreilles,  et  que  la  memoire  de  ce  que  nous  pourrions  oublier  nous  soit  refraischie,  que  ce  qui  n'estoit  pas  bien  enracine  en  nostre  coeur  soit  mieux  imprime,  qu'apres  que  Dieu  aura  mis  sa  semence  en  nous  qu'il  nous  arrouse  iournellement,  comme  aussi  sainct  Paul  use  de  ceste  comparaison-la.  Ce  ne  seroit  point  assez  d'avoir  iette  la  semence  en  terre  [pag.  205]  sinon  que  Dieu  pleut  du  ciel  et  qu'il  l'arrousat  quand  le  laboureur  aura  fait  son  office  pour  cultiver  la  terre,  cela  sera  inutile  sinon  que  Dieu  y  donne  l'accroissement  d'enhaut.  Ainsi  est-il  quand  nous  avons  receu  la  semence  de  la  vie  incorruptible,  que  Dieu  pleut  du  ciel,  c'est  a  dire,  que  continuellement  il  fait  profiter  nostre  foy:  ce  qui  ne  peut  estre  que  nous  ne  soyons  iournellement  enseignez  par  sa  bouche.  Et  venons  au  contenu  de  ceste  sentence,  Ie  suis  le  Seigneur  qui  Vay  tire  de  Ur  de  Chaldee,  Ceste  declaration  ici  sert  a  Abram  a  fin  qu'il  soit  eslogne  de  toute  idolatrie  et  des  superstitions  ausquelles  il  avoit  este  auparavant  nourri.  Car  comme  souvent  il  nous  est  monstre  en  l'Escriture  saincte,  il  ne  nous  faut  point  adorer  un  Dieu  en  confus,  ni  le  forger  tel  que  bon  nous  semble:  mais  il  faut  que  nous  sachions  quel  est  le  Dieu  auquel  nous  avons  nostre  refuge,  et  qu'il  soit  separe  et  distingue  en  toutes  les  imaginations  que  les  hommes  se  controuvent,  et  par  lesquelles  ils  se  decoyvent,  et  sont  deceus  aussi  par  Satan.  Et  c'est  pourquoy  l'Apostre  dit  en  Ponziesme  chapitre  des  Hebrieux:  Quand