23:733  733  SERMONS.  734  ��ncores  pour  dire  en  un  mot,  de  ce  que  nous  avons  explique  de  sainct  Iaques,  notons  que  nous  sommes  iustifiez  et  non  pas  sans  oeuvres,  et  toutesfois  nous  sommes  iustifiez  sans  oeuvres.  Quand  nous  disons  que  nous  sommes  iustifiez,  et  non  pas  sans  oeuvres,  nous  separons  ceci.  Et  comment?  Celuy  qui  est  repute  iuste  devant  Dieu  par  la  foy,  c'est  d'autant  que  Dieu  luy  pardonne  ses  pechez,  qu'il  met  sa  fiance  en  la  mort  et  passion  de  nostre  Seigneur  Iesus  Christ,  qui  cognoist  quo  par  la  resurrection  d'iceluy  la  vie  luy  est  acquise  de  luy.  Donc  qui  croit  ainsi  a  Dieu  par  tel  moyen,  il  n'est  pas  iustifie  sans  les  oeuvres.  Et  pourquoy?  Car  Dieu  luy  donne  son  S.  Esprit  [pag.  202],  il  le  reforme  tellement  qu'il  faut  que  les  bonnes  oeuvres  soyent  coniointes  avec  la  foy.  Or  cependant  l'autre  sentence  est  vraye,  e'est  assavoir,  que  nous  sommes  iustifiez  sans  oeuvres,  c'est  a  dire,  sans  aucune  aide  de  bonnes  oeuvres,  en  sorte  que  nous  demeurons  tousiours  redevables  a  Dieu.  Voila  donc  deux  sentences  ou  les  mots  ne  sont  point  changez:  il  semblera  maintenant  qu'elles  soyent  toutes  diverses,  de  dire  que  nous  sommes  iu&tifiez  sans  oeuvres,  et  que  nous  sommes  iustifiez  non  pas  sans  oeuvres.  Mais,  c'est  a  dire,  qu'il  y  a  des  oeuvres  qui  toutesfois  ne  sont  point  cause  de  nostre  salut  pour  faire  que  nous  meritions  rien  devant  Dieu  et  qu'il  nous  accepte  selon  nostre  dignite:  mais  c'est  d'autant  que  nostre  Seigneur  Iesus  Christ,  comme  i'ay  dit,  ne  nous  apporte  point  une  seule  grace  et  si  simple,  mais  double,  c'est  a  dire,  que  d'un  coste  il  couvre  toutes  nos  iniquitez  et  offenses  par  la  purete  de  son  obeissance,  il  appaise  l'ire  de  Dieu  son  Pere  par  le  sacrifice  qu'il  a  une  fois  offert  pour  la  satisfaction  qu'il  a  faite  de  toutes  nos  debtes.  Et  cependant  il  nous  gouverne  tellement  par  son  sainct  Esprit  qui  repose  sur  luy,  et  lequel  il  a  receu  en  toute  plenitude,  que  moyennant  que  nous  n'abusions  point  de  la  grace  qui  nous  est  faite  par  luy,  nous  sommes  [pag.  203]  affranchis  des  liens  de  Satan,  pour  ne  plus  suyvre  les  concupiscences  de  nostre  chair,  et  les  desirs  d'icelle,  comme  sainct  Pierre  dit,  qu'il  nous  faut  bien  garder.  Voila  donc  qu'il  suffira  pour  l'exposition  de  ce  passage.  Or  Moyse  adiouste  consequemment,  que  Dieu  a  dit  derechef  a  Abram,  Ie  suis  l'Eternel  qui  Vay  tire  de  Ur  de  Caldee,  pour  t'amener  a  la  terre,  a  fin  que  tu  la  possedes  en  heritage.  Ici  nous  voyons  que  Dieu  reitere  ses  promesses  pour  confermer  la  foy  d'Abram,  pour  la  nourrir  et  l'augmenter  iusques  a.  ce  qu'elle  soit  venue  a  sa  perfection.  Dont  nous  avons  a  conclure,  combien  qu'Abram  fust  le  miroir  et  patron  des  fideles,  comment  il  a  este  aussi  image  de  iustice,  toutesfois  que  sa  foy  estoit  imparfaicte:  autrement  ceste  promesse  qui  est  ici  couchee,  seroit  superflue.  Si  la  foy  d'Abram,  eust  este  si  bien  confermee  qu'il