8:732  livre,  ')  mais  quil  na  point  trouble  les  eglises  quil  saiche.  Et  nye  avoir  este  condemne.  2.  Respond  avoir  faict  ung  petit  livre2)  mais  ne  scait  quil  aye  infecte  personne.  3.  Respond  quil  confesse  avoir  faict  des  annotations  sur  Ptollomee  et  sur  la  bible.  Mais  quil  ne  pense  avoir  rien  faict  qui  ne  soyt  bon.  4.  Respond  quil  en  a  faict  ung  aultre3)  auquel  il  ne  pense  point  avoir  blaspheme.  Et  que  sil  luy  monstre  les  blasphemes  il  est  pres  a  emender.  5.  Respond  quil  est  vray  quil  fut  prisonnier  a  Vienne  a  la  poursuicte  de  Mons.  Calvin  et  Gruilliel.  Trye.  Mais  quil  evada  de  prison  pource  que  les  prebstres  le  voulloient  faire  brusler,  toutesfoys  que  les  prisons  luy  estoient  tenues  comme  si  on  eust  voulsi  que  se  saulvast.  6.  Respond  quil  a  escript  ung  livre  de  la  trinite  ensuyvant  les  premiers  docteurs  apres  Iesus  Christ  et  ses  apostres.  Et  croyt  bien  la  trinite,  le  pere,  le  filz  et  le  sainct  esperit  troys  personnes  en  dieu.  Et  dict  quil  est  verite  quil  a  declaire  ce  nom  de  personne  aultrement  que  nen  escripvent  les  modernes.  7.  Respond  comme  dessus  prochain  et  quil  confesse  la  trinite  et  troys  personnes.  8.  Respond  quil  ne  la  point  appelle  par  livres  imprimes,  ce  que  a  faict  Melancthon  et  pour  le  soustenement  de  son  droict  il  a  escript  de  sa  main  quelques  choses  ou  semblables  que  ledict  Melancthon  luy  rescripvoit  par  livres  imprimes.  9.  Respond  que  le  filz  de  Dieu  est  engendre  du  pere  eternellement  et  conceu  du  s.  esperit  en  la  vierge  Marie.  10.  Respond  quil  nye  au  mode  quil  est  interrogue.  11.  Respond  que  Iesus  Christ  a  sa  divinite  de  son  pere.  12.  Respond  que  la  chair  de  Iesus  Christ  est  participante  de  la  divinite  laquelle  est  du  ciel.  Mais  la  matiere  de  la  chair  est  venue  de  la  vierge  Marie.  13.  Respond  que  la  divinite  de  Iesus  Christ  est  eternelle  et  que  a  lhomme  elle  a  este  communiquee  en  la  conception.  14.  Respond  que  la  parolle  de  Dieu  reside  en  Iesus  Christ  et  que  la  parolle  a  este  faicte  chayr.  15≪  Respond  que  lesperit  sainct  ne  se  peult  trouver  allieurs  quen  lessence  de  Dieu,  et  nye  que  ceulx  qui  croyent  a  la  trinite  soient  atteistes.  16.  Respond  que  confesse  distinction  de  propriete  et  de  personnes  a  la  trinite.  1)  De  Trinitatis  erroribus  1531.  2)  Dialogi  de  Trinit.  1532.  3)  Christianismi  Restitutio  1553.