23:732  est  la  cause  moyenne,  la  cause  qu'on  appelle  instrumentale  ou  formelle.  Venons  a  l'obeissance  d'Abram,  quand  il  est  prest  de  sacrifier  son  fils,  si  cela  est  cause  de  la  iustice  d'Abram  il  faut  qu'il  ait  este  precedent.  Car  de  dire  que  le  ble  qui  croistra  d'ici  a  un  an  me  nourrice  auiourd'huy  et  tout  le  long  de  l'annee,  quelle  sottise  seroit-ce?  Il  n'y  a  si  petit  enfant  qui  ne  le  voye.  Or  voila  un  long  temps  qui  s'escoule  devant  que  Dieu  ait  commande  a  Abram,  qu'il  sacrifiat  son  Fils,  et  si  estoit-il  iustifie  desia  au  paravant.  Nous  voyons  donc  en  somme  qu'il  ne  faut  point  cercher  de  glose  hors  le  texte  de  sainct  Iaques.  Mais  il  parle  d'estre  ius��  tifie,  c'est  a  dire,  d'estre  declaire  iuste.  Car  ces  gaudisseurs  contre  lesquels  il  combat,  disoyent,  Nous  sommes  iustifiez  par  foy.  Qu'avons-nous  donc  que  faire  de  nous  employer  au  service  de  Dieu  [pag.  200],  et  d'estre  en  grand  souci,  veu  que  nos  oeuvres  ne  valent  rien,  et  elles  ne  viendront  point  aussi  bien  en  conte  pour  l'advenir?  Or  premierement  ils  pervertissent  tout  en  disant  que  les  oeuvres  ne  vienent  point  en  conte:  car  elles  y  viendront  avec  la  grace  de  Dieu.  Mais  quand  ils  disent  avec  moquerie,  que  do  s'adonner  a  bonnes  oeuvres  cela  no  sert  de  rien,  c'est  autant  comme  s'ils  deschiroyent  Iesus  Christ  par  pieces.  Car  nous  le  recevons  par  foy,  nous  sommes  unis  a  luy  a  telle  condition  qu'il  nous  reconcilie  a  Dieu  son  Pere  et  qu'il  abolisse  nos  fautes,  et  quil  nous  regenere  et  nous  gouverne  par  son  S.  Esprit.  Ces  choses-la  sont  inseparables,  comme  nous  avons  allegue  de  S.  Paul.  Puis  qu'ainsi  est  donc  S.  Iaques  a  bon  droit  a  dit,  comment  serezvous  iustes  sans  les  oeuvres?  Car  la  foy,  dit-il,  sans  les  oeuvres  est  morte.  Et  puis  apres  vous  ne  pouvez  nullement  estre  iustifiez  d'une  autre  facon  que  vostre  Pere  Abram,  si  vous  estes  fideles.  Or  Abram  a  este  iustifie  tellement  que  les  bonnes  oeuvres  ont  este  coniointes  avec  la  foy.  Il  faut  donc  que  vous  monstrez  le  semblable  ou  vous  estes  des  moqueurs  de  Dieu,  qui  prophanez  une  chose  si  saincte,  et  si  sacree  comme  est  le  nom  de  foy  et  de  iustice.  Voila  donc  ce  que  sainct  Iaques  en  ce  passage  a  entendu:  mais  ces  canailles  des  Papistes  ne  goustent  [pag.  201]  rien  de  tout  cela.  Et  pourquoy?  Ce  sont  contempteurs  de  Dieu:  ils  parleront  des  bonnes  oeuvres  a  pleine  bouche,  il  semble  a  les  en  ouyr  deviser,  que  ce  soyent  des  Anges:  et  on  voit  quels  ils  sont.  Et  pleut  a  Dieu  qu'ils  ne  fussent  pas  si  desbordez  en  toute  leur  vie.  Mais  trouvera-on  ne  moine  ne  docteur  qui  ne  soyent  des  putiers,  des  moqueurs  de  Dieu,  gens  dissolus,  yvrongnes,  blasphemateurs,  brief,  il  semble  qu'ils  ayent  conspire  avec  le  diable  de  mettre  tout  le  monde  en  confusion.  Et  cependant  ils  pretendront  leurs  bonnes  oeuvres  :  et  ne  parleront  d'autre  chose.  Et  ainsi  il  ne  se  faut  point  esbahir  s'ils  sont  si  aveuglez.  Mais