23:731  731  SERMONS.  732  mot  :  mais  il  a  pris  ceste  vanterie  frivole  qui  estoit  en  la  bouche  de  ces  gaudisseurs  qui  vouloyent  estre  tenus  pour  bons  Chrestiens,  et  dit,  vostre  foy,  c'est  a  dire,  celle  que  vous  avez  en  la  bouche,  n'est  rien.  Comme  quand  nous  dirions  auiourd'huy  l'Eglise  catholique  de  laquelle  les  Papistes  se  vantent  qu'est-ce?  C'est  une  paillarde.  Car  nous  savons  que  la  vraye  Eglise  est  l'espouse  de  nostre  Seigneur  Iesus  Christ,  qui  doit  estre  purgee  et  lavee  de  son  sang  pour  estre  sans  macule  et  sans  ride,  comme  dit  S.  Paul,  apres  qu'elle  doit  estre  la  colomne  de  verite:  et  au  lieu  de  tout  cela,  voila  une  caverne  de  brigands,  voila  une  paillarde  qui  a  corrompu  tout  le  service  de  Dieu,  et  laquelle  n'engendre  que  des  bastards:  nous  parlerons  ainsi.  Voila  donc  l'estile  de  S.  Iaq.  que  nous  ne  devons  point  trouver  estrange,  veu  que  ce  nous  est  un  langage  commun.  Or  donc  voila  en  premier  lieu  quand  il  est  dit  que  la  foy  nous  iustifie,  nous  ne  parlons  de  la  foy  sinon  en  la  facon  accostumee.  Mais  [pag.  198]  quand  sainct  Iaques  dit  que  la  foy  sans  oeuvres  est  morte,  c'est  pour  rembarrer  ceux  qui  abusoyent  de  ce  nom  et  qui  avoyent  beau  se  vanter  et  se  glorifier:  mais  que  ce  n'estoit  que  mensonge.  Or  venons  a  la  seconde  partie,  quand  S.  Iaques  dit  que  nous  sommes  iustifiez  par  nos  oeuvres:  il  semble  encores  que  la  il  repugne  a  S.  Paul.  Car  il  ne  faut  point  que  les  oeuvres  se  conioignent  avec  la  foy,  pour  faire  un  partage,  comme  nous  avons  dit:  autrement  nous  n'aurons  nul  repos  si  cela  estoit.  Il  faut  que  toute  consideration  de  nos  oeuvres  soit  exclue  pour  invoquer  Dieu  en  vraye  confiance,  pour  nous  tenir  ses  enfans,  et  pour  esperer  l'heritage  de  la  vie  celeste  qui  nous  est  promis,  il  faut  que  les  oeuvres  cessent.  Car  si  elles  iustifient  que  sera-ce?  Or  ce  mot  de*  iustifier  ne  se  prend  pas  en  S.  Iaq.  pour  estre  approuvez  devant  Dieu,  pour  nous  reconcilier  avec  luy,  et  pour  faire  qu'il  nous  recoyve  comme  ses  enfans.  Et  comment  donc?  Comme  luy  mesme  le  declaire  sans  autre  exposition.  Car  il  adiouste  qu'Abram  a  este  iustifie,  quand  il  a  immole  son  Fils  Isaac.  Or  nous  n'avons  pas  encores  leu  qu'il  Tait  immole,  c'est  a  dire,  qu'il  ait  voulu  faire  sacrifice  a  Dieu  de  son  fils:  et  comment  donc?  ceste  obeissance,  de  laquelle  il  sera  parle  ci  apres,  a  este  la  iustice  d'Abram,  s'il  estoit  question  d'approuver  ce  qu'il  a  fait  alors,  veu  [pag.  199]  qu'il  n'estoit  pas  encores  fait?  Ainsi  donc,  il  faut  bien  conclure  que  sainct  Iaques  ne  traite  pas  la  comme  nous  sommes  agreables  a  Dieu:  mais  comme  nous  sommes  ordonnez  iustes.  Car  si  ie  dis  que  le  Fils  a  engendre  le  Pere  quelle  sotise  seroit-ce?  Or  nous  savons  que  la  foy  est  mere  de  Iustice,  c'est  a  dire,  que  c'est  le  moyen  et  l'instrument  par  lequel  nous  sommes  reconciliez  a  Dieu,  et  sommes  avouez  pour  ses  enfans.  Il  faut  donc  que  la  foy  precede  la  iustice:  car  elle