7:730  et  sanguinem  naturali,  locali,  contigua,  aut  circumscripta  definitivaque  praesentia  ac  ratione  nobis  in  mensa  hac  opponi  visibili,  sed  ita  proponi,  ut  sublati  in  coelum  animi  eo  modo  in  coelesti  illa  mensa  coelesti,  hoc  est,  vivifico  pane  et  divino  potu  fide  et  spiritus  Christi  virtute  pascatur,  quo  nobis  corporis  alimento  in  mensa  hac  visibili  oculis  subiicitur  et  reprapsentatur,  quae  coelestis  illius  mensae  imaginem  nobis  qualemcunque  refert,  in  quam  os  fidei  afferimus,  quod  solum  percipiendis  coelestibus  illis  epulis  idoneum  est.  Atqui,  ne  quid  relinquatur  ambiguitatis  in  coeli  vocabulo,  Christum  assero  ita  coelos  conscendisse,  ut  eum  neutiquam  existimem  sic  suum  hinc  corpus  subduxisse,  ut  ipsum  minime  e  terris  re  ipsa,  sed  ex  oculorum  tantum  subduxerit  conspectu,  ipsumque  duntaxat  occultaverit,  ita  ut  in  terris  praesens  etiamnum  corporea  versetur  praesentia,  sed  inconspicuus  et  invisibili  modo.  Sed  contra  vere  ascendisse,  ipsiusque  corpus  eo  a  nostris  seiunctum  esse  naturali  modo  locorumque  intervallo,  quo  a  terra  coelum  distat,  illicque  certum  habere  locum,  coelesti  eius  gloriae  proprium  et  corpori  glorificato  congruum,  tametsi,  qualis  sit  j  certo  non  possit  ratione  humana  definiri.  Alioqui  eius  ascensio  haud  recte  ac  proprie  ascensio  diceretur,  sed  potius  absconsio,  aut,  ut  ita  dicam,  invisibilitas.  Caeterum  quod  attinet  ad  communicationem  quae  electis  est  cum  Christo,  in  eam  nos  admitti  agnosco  simul  atque  evangelium  fide  suscipimus  adoptamurque  eius  beneficio  in  filios  Dei,  ac  eam  subinde  augeri,  quo  magis  nostra  augescit  et  adolescit  fides.  Quum  autem  eius  velut  adminicula  divinum  sermonem  et  sacramenta  fateamur,  dubium  non  est  quin  ea  hinc  magis  atque  magis  adolescat,  quo  magis  animus  afficitur  per  earum  simulacra  rerum  quibus  Deus  permoveri  voluit  externos  hominis  sensus:  si  modo  ipse  vim  sui  spiritus  in  piorum  cordibus  exercere  voluerit.  Quod  sane  illi  facillimum  est,  sive  id  in  ipsa  sacramentorum  actione,  sive  extra  ipsam  praestare  statuerit.  Quamvis  non  dubitem,  tum  pietatem  et  religionem  maxime  in  animis  nostris  versari,  quum  rebus  divinis  operam  damus.  Ergo  quamvis  aqua  signum  est  in  baptismo  effusi  semel  in  ara  crucis  Christi  sanguinis,  rei  quae  iam  praeteriit,  eadem  tamen  ipsius  quoque  praesentis  signum  est,  qui,  ut  in  cruce  semel  naturcdi  modo  effusus  est,  ita  quotidie  ratione  spirituali  per  fidem  in  animos  fidelium  effunditur,  in  peccatorum  ablutionem,  neque  id  solum  dum  aqua  illa  tingimur,  sed  toto  vitae  nostrae  curriculo,  si  modo  vera  Christi  membra  sumus.  Alioqui,  si  vis  illius  effusionis  non  se  in  omnia  saecula,  in  omnes  aetates,  et  totam  denique  hominis  vitam  diffunderet,  sed  eo  tantum  temporis  momento  circvmscriberemr  quo  baptismi  abluimur  lavacro,  non  quotidie  modo,  sed  singulis  etiam  horarum  momentis  eo  nobis  esset  accurrendum.