23:730  donne  pour  iustice,  mais  aussi  pour  sanctification,  ��'est  a  dire,  a  fin  que  nous  soyons  purgez  de  toutes  les  meschancetez  et  cupiditez  de  nostre  chair,  pour  estre  rendus  conformes  a  la  iustice  de  Dieu.  Ainsi  donc,  si  S.  Iaques  eut  parle  de  ceste  vraye  foy,  c'eut  este  grande  folie,  de  dire,  apportez-moy  vostre  foy  sans  les  oeuvres,  et  par  les  oeuvres  ie  vous  monstreray  la  foy.  Comme  s'il  disoit  que  la  vraye  foy  est  tellement  coniointe  avec  les  bonnes  oeuvres,  que  sans  icelles  elle  est  morte,  c'est  a  dire,  elle  est  nulle,  comme  il  dit  puis  apres.  S.  Iaq.  donc,  monstre  bien  qu'il  ne  traitte  point  de  la  foy,  laquelle  embrasse  les  promesses  de  Dieu,  et  par  lesquelles  nous  sommes  certifiez  de  nostre  salut.  Et  en  cela  les  Papistes  se  sont  lourdement  abusez  encores  de  se  forger  une  foy  qu'ils  appellent  informe,  c'est  a  dire,  sans  figure  et  disent,  que  la  Loy  d'elle  mesme  n'est  qu'une  masse  comme  qui  prendroit  de  la  terre  ou  du  mortier  et  qui  la  plaqueroit  la.  Voila  la  foy  disent-ils,  et  puis  ils  disent  quand  la  charite  est  coniointe,  alors  c'est  comme  qui  feroit  un  pot  [pag.  196]  de  ceste  masse  de  terre  qui  auparavant  n'avoit  point  eu  de  forme.  Voila  l'imagination  des  Papistes,  et  ils  monstrent  par  cela  qu'ils  ne  savent  que  c'est  de  foy.  Car  c'est  un  don  de  Dieu  singulier  pleinement.  Et  puis  il  est  dit,  que  nous  recevons  l'Esprit  d'adoption  par  lequel  Dieu  nous  renouvelle  comme  aussi  il  nous  incorpore  a  nostre  Seigneur  Iesus  Christ  tellement,  que  nous  sommes  faits  membres  de  son  corps  et  nouvelles  creatures.  Nous  voyons  donc  que  les  Papistes  ne  cognoissent  point  ces  choses  et  ne  savent  point  les  principes  ni  les  rudimens  de  la  Chrestiente  non  plus  que  des  bestes  ni  que  des  chiens.  Mais  c'est  une  chose  horrible  qu'en  toutes  leurs  escoles  ils  ne  font  qu'abayer  de  ces  choses.  Il  leur  semble  qu'ils  sont  les  plus  grands  Theologiens  du  monde,  quand  ils  auront  distingue  entre  la  foy  informe  et  la  foy  formee.  Et  c'est  autant  comme  s'ils  disoyent,  un  Dieu  qui  n'a  ne  vertu  ne  puissance,  et  puis  un  Dieu  qui  se  monstre  puissant  et  iuste:  c'est  autant  de  ce  qu'ils  ont  forge  ainsi  une  double  foy.  Et  pourquoy  donc  est-ce  que  S.  Iaques  use  ici  de  ce  mot?  Et  pourquoy  est-ce  que  nous  usons  du  mot  d'Eglise?  du  mot  d'Evesque?  du  mot  de  service  de  Dieu?  de  devotion?  de  zele?  Quand  nous  parlons  des  Papistes  nous  ne  leur  '  accordons  pas  qu'a  la  verite  il  y  ait  Eglise  entr'eux,  a  laquelle  ii  salle  obeir.  Il  n'y  a  sinon  quelques  ruines  d'Eglise  et  quelques  traces  [pag.  197]  du  service  qui  a  este  institue  du  service  do  Dieu:  mais  l'Eglise  est  ou  Dieu  habite  par  sa  parole.  Apres  en  parlant  d'eux  nous  prenons  des  mots  qui  sont  honorables:  et  toutesfois  ce  n'est  pas  que  nous  entendions  qu'ils  usurpent  ces  titres-la  a  bonnes  enseignes.  Mais  on  ne  s'arreste  pas  tousiours  aux  mots.  Ainsi  S.  Iaques  ne  s'est  point  arreste  au