9:73  73  CONTRA  WESTPHALUM.  74  Christi  vel  beneficia  non  esse  eius  corpus.  Sed  cur  loquutionem,  qua  splendide  nostram  cum  Christo  communionem  commendo,  maligne  extenuat?  Neque  enim  tantum  dico  applicari  merita,  sed  ex  ipso  Christi  corpore  alimentum  percipere  animas,  non  secus  ac  terreno  pane  corpus  vescitur.  Exceptio  vero  illa,  quantum  ad  vim  spiritualem  attinet,  non  alio  pertinet,  quam  ne  quis  somniet  Christum  non  sine  locali  inclusione  posse  in  coena  nobis  offerri.  Aegre  fert  me  realem  communionem  imaginariae  opponere.  Quid  ergo  amplius  flagitat?  Nempe  vult  figurae  opponi.  Quod  ego  facile  concederem,  modo  non  negaret  quod  inter  prima  fidei  elementa  inter  pios  omnes  notum  esse  decebat,  panem  signum  esse,  vel  figuram  corporis.  De  hoc  modo  conveniat  quod  hactenus  professus  sum,  nunc  adhuc  confirmo,  ubi  adest  res  ipsa,  non  fingendam  esse  nudam  figuram.  Et  quidem  non  aliter  sanctae  memoriae  Bucerum  sensisse,  luculentis  testimoniis  probare  mihi  semper  promptum  erit.  Quod  inter  opiniones  [pag.  62]  reiectitias  alicubi  posui,  Christi  corpus  realiter  et  substantialiter  adesse  in  coena,  minime  cum  vera  et  reali  communicatione  pugnat,  quae  et  nostro  in  coelum  ascensu  constat,  nec  alium  Christi  ad  nos  descensum  requirit,  quam  spiritualis  gratiae.  Neque  enim  corpus  suum  loco  movere  necesse  habet,  ut  virtutem  eius  vivificam  nobis  inspiret.  Discrimen  notare  volens  inter  duos  praesentiae  modos,  priorem  vocat  physicum:  in  altero  balbutit  dicens  tantum  corporis  praesentiam  a  suis  asseri.  Atqui  vitiosa  est  partitio,  cuius  membra  inter  se  coincidunt.  Praesentiam  carnis  Christi  in  coena  urget  Westphalus:  nos  simpliciter  non  negamus,  modo  nobiscum  fide  sursum  conscendat.  Sed  corporali  modo  sisti  Christum  si  intelligit,  alios  quaerat  suffragatores.  Nec  vero  sub  amphibologia  physici  modi  ludimus  :  quia  nihilo  nobis  minus  displicet  fictitia  ubiquitas,  quam  mathematica  sub  pane  circumscriptio.  Negabit  Westphalus  so  physicam  Christi  praesentiam  imaginari,  quia  linealiter  1)  corpus  sub  pane  non  includat.  Ego  autem  excipio,  non  [pag.  63]  minus  perperam  eum  facere,  dum  Christo  immensum  affingens  corpus,  ubicunque  peragitur  coena,  illic  adesse  contendit.  Nam  ἄτοπον  2)  dicere  corpus,  quod  semel  induit  filius  Dei,  et  quod  semel  crucifixum  in  coelestem  gloriam  sustulit,  id  vero  prorsus  est  ἄτοπον.3)  Quod  postea  de  spirituali  corpore  nugatur,  falso  et  absque  colore  in  nos  confert.  Somniet  ipse  si  vult  cum  sua  caterva  spirituale  Christi  corpus,  quod  nihil  verae  corporis  naturae  affine  retineat:  mihi  fas  esse  non  duco  de  alio  corpore  quid-  1)  en  certam  espace  limite  comme  par  lignes.  2)  n'est  en  aucun  certain  lieu.  3)  c'est  une  fantasie  du  tout  estrange  et  quine  doit  point  avoir  lieu.