8:73  73  DE  SCANDALIS.  74  puit  Dominus,  per  annos  complures  sponte  caelebs  vixi.  1)  Mortua  uxore,  singularis  exempli  femina,  iam  sesquiannus  est  ex  quo  non  invitus  caelibatum  rursus  colo.2)  Haec,  quae  forte  parum  ad  causam  facere  videbuntur,  ideo  tribus  verbis  praefari  libuit,  partim  ut  inde  coarguatur  maledica  hostium  vanitas,  partim  ut  omnibus  testatum  sit,  me  privatam  causam  minime  agere.  Quid  autem  afferunt  boni  isti  castitatis  defensores?  Lutherum  et  alios  carnis  pruritu  incitatos,  tum  sibi  fecisse  coniugii  libertatem,  tum  vulgus  sacerdotum,  monachorum  et  monialium  in  easdem  illecebras  traxisse.  Quae  de  singulorum,  quos  maligne  falsoque  infamant,s)  continentia  vere  possent  praedicari,  consulto  praetereo.  Quid  enim  magis  ridiculum,  quam  profugere  ex  papatu,  qui  caste  vivere  non  sustinent?  Nulla  scilicet  sacrificis,  monachis  et  monialibus  explendae  libidinis  erat  libertas,  nisi  novum  sibi  asylum  procul  summis  difficultatibus  quaererent.  Quasi  vero  non  quovis  scortationum  genere  claustra  omnia,  sellae  et  foruli4)  omnes  monachorum  ac  monialium  foeteant.  Prodigiosas  libidines  hic  non  attingo.  Sed  quid  rem  notam  dissimulare  attinet,  sic  ab  antris  illis,  magna  quidem  ex  parte,  exsulare  pudicitiam  et  pudorem,  Ut  scortandi  bonis  patribus  aliqua  saltem  sit  illic  libertas?  Quid  loquar  de  sacrificis,  quos  libidinum  suarum  adeo  non  pudet,  ut  earum  trophaea  ubique  erigere  iam  illis  sit  gloriosum?  Certe,  ut  parcissime  loquar,  mulierosis  extra  papatum  migrare  minime  necesse  est.  Neque  tamen  prorsus  nego,  multos  ex  suis  caveis  monachos  evolare,  ut  venere,  quam  furtim  illic  [pag.  95]  carpunt,  libere  apud  nos  potiantur.  Sed  illos  ipsos  audebo  citare  testes,  quam  procul  a  voluptuaria  vita,  quam  in  lustris  degebant,  distet  coniugium.  Itaque  nonnulli,  quia  statim  olfaciunt,  quanto  astrictior  sit  pudica  viri  cum  uxore  j  cohabitatio,  quam  promiscuae  caelibatus  papalis  lasciviae,  5)  mature  se  ad  priores  nidos  recipiunt.  Alii  desperatiores  Romam  aut  alio  quo  sors  eos  rapuerit  transvolant.  Atque  haec  quidem  una  est  ex  angelicis  claustrorum  virtutibus.  Caeterum,  ut  multos  concedam  perverse  doctrina  nostra  abuti,  quam  tamen  iusta  sit  scandali  ratio,  videndum.  Genus  humanum  Deus  hac  lege  condidit,  ut  mulieri  vir  capitis  officium  praestet,  mulier  vicissim  sit  viro  adiutrix:  atque  ita  mutuo  nexu  sexum  utrumque  simul  devinxit.  Antequam  vitiati  essent  homines,6)  coniugium  illis  singularis  beneficii  loco  datum  ac  1)  Add.  ayant  si  bien  addresse  que  i'ay  dequoy  louer  Dieu.  2)  ie  ne  me  haste  point  a  me  remarier  caett.  om.  3)  Add.  ces  vilains  putiers.  4)  selles  et  trous.  5)  la  continence  Papale  qui  est  de  s'esgayer  partout  ou  on  peut  rencontrer.  6)  Add.  par  le  peche  originel.