7:73  73  CONTRE  LES  ANABAPTISTES.  74  de  ne  voir  pas  l'Eglise  de  Dieu  en  son  ordre  parfaict,  portons  toutesfoys  l'imperfection,  laquelle  il  n'est  pas  en  nous  de  corriger.  Quant  a  la  defense  que  faict  sainct  Paul  de  ne  boire  ne  manger  avec  ceux  qui  sont  de  vie  scandaleuse  (1  Cor.  5,  ll),  cela  appartient  a  la  conversation  privee,  non  pas  a  la  communion  publique.  Mais  s'il  n'est  pas  licite  a  l'homme  Chrestien,  dira  quelcun,  de  hanter  un  meschant,  pour  prendre  sa  refection  corporelle  avec  luy:  tant  moins  est-il  permis  de  manger  le  pain  du  Seigneur  en  sa  compagnie.  A  cela  ie  respons,  que  de  hanter  privement  les  meschans,  et  avoir  familiarite  avec  eux,  il  est  en  nostre  liberte  et  puissance.  Il  nous  en  faut  donc  abstenir  chacun  a  son  endroit.  Mais  de  recevoir  la  Cene  du  Seigneur,  ce  n'est  pas  chose  qui  soit  en  nostre  disposition.  Et  pourtant  la  raison  est  diverse.  Notons  donc,  si  l'Eglise  tolere  et  endure  un  homme  indigne,  que  celuy  qui  le  congnoist  tel,  fera  bien  de  s'abstenir  de  sa  compagnie  privee,  et  le  doit  faire  d'autant  qu'il  le  peut:  moyennant  qu'il  ne  face  point  de  schisme  ny  separation  en  l'Eglise,  quant  a  la  communion  publique.  [page  50]  Quant  a  la  matiere  d'excommunication,  il  en  a  este  parle  autant  que  le  passage  le  requeroit:  sinon  que  ie  veux  bien  advertir  en  passant  tous  amateurs  de  verite,  d'un  point  qui  est  en  l'article  des  Anabaptistes  cy  dessus  mentionne:  afin  que  sur  cela  ilz  regardent,  combien  on  leur  doit  adiouster  de  foy  quant  au  reste.  C'est  qu'ilz  disent,  qu'un  homme  qui  aura  failly  par  inadvertence,  sans  malice  deliberee,  apres  avoir  este  admonneste  deux  foys  en  secret,  doit  estre  chastie  en  public,  ou  excommunie.  Ie  leur  pardonne  un  erreur  en  cela.  C'est  que  nostre  Seigneur  ne  veut  pas  que  l'Eglise  procede  iusque  a  excommunication,  mesme  quand  le  pecheur  aura  mesprise  deux  admonitions  privees:  mais  veut  que  pour  la  troiziesme  foys  devant  que  le  reietter  on  l'admonneste  publiquemenc.  Ilz  s'abusent  encor  une  autre  foys,  en  ce  qu'ilz  ne  considerent  point  que  nostre  Seigneur  ne  parle  en  ce  passage  la  que  des  pechez  secretz.  Car  quant  a  ceux  qui  sont  notoires,  et  en  scandale  au  peuple,  il  y  a  autre  moyen  et  facon  d'y  proceder,  que  d'en  faire  remonstrance  secrete.  Voila  desia  deux  fautes  qui  monstrent  bien  quelz  grans  docteurs  ce  sont  que  les  Anabaptistes,  et  quel  esprit  ilz  ont  pour  tout  reformer,  veu  qu'ilz  ne  sauroyent  dire  troys  [page  51]  motz  qu'en  confondant  tout.  Mais  encor  ie  leur  pardonne  tout  cela,  pour  venir  a  un  poinct  qui  est  de  plus  grande  consequence.  Car  en  disant  que  celuy  qui  aura  peche  par  ignorance,  et  non  pas  a  son  escient,  doit  estre  reiette,  ilz  denotent,  comme  aussi  ilz  l'enseignent  et  maintiennent  ouvertement,  que  si  un  homme  avoit  peche  a  son  escient,  il  ne  devroit  obtenir  iamais  pardon.  D'autant  que  tout