58:73  73  DE  IACOB  ET  ESAU.  74  CINQUIEME  SERMON.  Genese,  chap.  XXV.  28.  Or  comme  Iacob  cuisoit  du  potage,  Esau  revint  des  champs,  et  estoit  las.  29.  Et  Esau  dit  a  Iacob,  Donne  moy  de  ce  brouet  roux,  de  ceste  rou$seur  :  car  ie  suis  las.  Et  de  la  on  appela  son  nom  Edom.  30.  Iacob  lui  dit,  V  en-moy  maintenant  ta  primogeniture.  SI.  Et  Esau  luy  respondit,  Voici,  ie  m'en  vay  mourir:  dequoy  me  servira  ma  primogenitum?  32.  Iacob  dit,  Iure-moy  donc  auiourdhui,  et  il  luy  iura,  et  vendit  son  droit  a  Iacob,  assavoir  le  droit  de  primogenitura  33.  Iacob  donc  donna  le  potage  a  Esau,  qu'il  avoit  fait  de  lentilles:  et  il  mangea  et  beut,  et  se  leva  et  s'en  alla.  Ainsi,  Esau  mesprisa  sa  primogenitus  e.  Nous  dismes  hier,  que  Dieu  approuve  et  ratifie  son  election,  quand  il  gouverne  ses  enfans  par  son  saint  Esprit,  et  qu'il  les  fait  tendre  a  la  vie  celeste,  et  qu'il  leur  donne  ceste  affection  de  mespriser  le  monde,  et  de  regarder  plus  haut.  A  l'opposite,  qu'il  descouvre  que  c'est  de  la  nature  des  hommes,  quand  il  lasche  la  bride  a  ceux  qui  sont  reprouvez,  tellement  qu'ils  sont  comme  bestes  brutes,  qui  ne  regardent  sinon  a  ceste  vie  caduque.  Nous  avons  confirmation  de  ceste  doctrine  en  l'histoire  que  nous  recite  ici  Moise:  car  il  nous  propose  d'un  coste  Esau  qui  retourne  des  champs  de  la  chasse,  comme  un  loup  affame  :  il  ne  demande  qu'a  manger,  et  la  dessus  est  content  de  vendre  sa  primogeniture  avec  serment:  il  y  renonce,  moiennant  qu'il  ait  dequoy  se  souler.  Il  prise  donc  tellement  ce  potage,  que  le  droit  de  sa  primogeniture  ne  lui  est  rien  au  prix.  Or  notons  (comme  ii  en  a  desia  este  touche  ci  dessus,  et  comme  nous  le  verrons  plus  a  plein)  que  ce  n'estoit  pas  un  droit  terrien,  pour  dire  qu'il  eust  double  partage,  et  qu'il  fust  avance  en  la  maison  de  son  pere:  mais  c'estoit  pour  estre  chef  de  l'Eglise  de  Dieu,  en  attendant  que  nostre  Seigneur  Iesus  Christ  apparust  pour  le  salut  du  monde.  Or  combien  que  cela  soit  de  telle  importance:  toutefois  Esau  prefere  son  ventre,  et  ne  lui  chaut  de  rien,  moyennant  qu'il  ait  pasture.  Iacob  de  l'autre  coste,  combien  qu'il  ait  appreste  son  disner,  ou  son  souper  (tant  y  a  que  c'estoit  sa  refection)  et  qu'il  ait  appetit  de  manger  :  toutefois  il  aime  mieux  s'abstenir  et  se  frauder,  que  de  quitter  l'occasion  qu'il  a  d'avoir  la  primogeniture.  Nous  voyons  donc  comme  Esau  est  un  homme  brutal,  qui  ne  cerche  sinon  d'estre  nourri  et  repeu,  et  mesme  d'estre  bien  soule.  Iacob  est  homme  passible,  suiet  a  faim  et  a  soif:  mais  cependant  il  se  tient  en  bride,  et  regarde  plus  haut  qu'a  ce  monde,  et  quitte  la