56:73  73  GENESE.  74  et  vous  en  venez.  20.  Ne  laissez  rien  de  vos  utensiles:  car  le  bien  de  toute  la  terre  d'Egypte  sera  vostre.  21.  Et  les  enfans  dIsrael  en  firent  ainsi,  et  Ioseph  leur  donna  les  chars  selon  le  mandement  de  Pharao,  et  des  viandes  pour  le  chemin.  22.  Et  donna  a  un  chacun  d'eux  tous  changemens  d'habits,  et  k  Ben-iamin  donna  trois  cens  pieces  d'argent,  et  cinq  vestemens  a  rechanger.  23.  Il  envoya  semblablement  a  son  pere  dix  asnes  portans  du  bien  d'Egypte,  et  dix  asnesses  portans  froment,  pain,  et  viande  a  son  pere,  pour  le  chemin.  24.  Il  renvoya  donc  ses  freres,  qui  se  partirent:  et  leur  dit,  Ne  tancez  point  en  la  voye.  25.  Ainsi  monterent  d'Egypte,  et  parveinrent  a  Iacob  leur  pere,  en  la  terre  de  Chanaan.  26.  Et  luy  raconterent,  disans.  Ioseph  vit  encore:  lequel  domine  en  toute  la  terre  d'Egypte.  Et  son  coeur  luy  esvanouit,  car  il  ne  leur  adioustoit  point  de  foy,  27.  Et  ils  luy  dirent  toutes  les  paroles  que  Ioseph  leur  avoit  dit:  puis  veit  les  chars  que  Ioseph  avoit  envoyez  pour  remporter,  et  l'esprit  reveint  a  Iacob  leur  pere.  28.  Adonc  Israel  dit,  II  suffit,  puis  que  Ioseph  mon  fils  vit  encore:  i'iray,  et  le  verray  avant  que  ie  meure.  Chapitre  XLVI.  1.  Ainsi  Israel  partit  avec  tout  ce  qui  estoit  a  luy,  et  veint  en  Bersabe,  et  sacrifia  sacrifices  au  Dieu  de  son  pere  Isaac.  2.  Et  Dieu  parla  a.  Israel  par  vision  de  nuit,  disant,  Iacob,  Iacob.  Lequel  respondit,  Me  voici.  3.  Puis  il  dit,  Ie  suis  Dieu,  le  Dieu  de  ton  pere,  ne  crain  point  de  descendre  en  Egypte:  car  ie  te  mettray  pour  croistre  illec  en  grande  gent.  4.  Ie  descendray  avec  toy  en  Egypte,  et  t'en  feray  aussi  remonter:  et  Ioseph  mettra  sa  main  sur  tes  yeux.  5.  Puis  Iacob  se  leva  de  Bersabe  ,  et  les  enfans  d'Israel  porterent  Iacob  leur  pere,  et  leurs  petits,  et  leurs  femmes  sur  les  chars  lesquels  Pharao  avoit  envoyez  pour  Pemporter.  6.  Ils  emporterent  aussi  leurs  troupeaux  et  leur  chevance  qu'ils  avoyent  acquise  en  la  terre  de  Chanaan  :  et  Iacob  et  toute  sa  lignee  avec  luy  veinrent  en  Egypte:  7.  Et  amena  avec  luy  en  Egypte  ses  enfans  et  les  enfans  de  ses  enfans  avec  luy:  ses  filles,  et  les  filles  de  ses  fils,  et  toute  sa  semence.  8,  S'ensuyvent  les  noms  des  enfans  d'Israel,  lesquels  veinrent  en  Egypte,  Iacob  et  ses  enfans  :  le  premier,  ne  de  Iacob  fut  Ruben.  9.  Et  les  enfans  de  Ruben  Henoch,  Phalu,  Hezron,  et  Carmi.  IO.  Item,  et  les  enfans  de  Simeon,  Iemuel,  Iamin,  Ohad,  Iacin,  Zohar,  et  Saul,  fils  de  la  Chananee.  l  l  .  Item  les  enfans  de  Levi,  Gerson,  Cahath,  et  Merari.  12.  Item  les  enfans  de  Iuda,  Er,  Onan,  Sela,  Pharez,  et  Zara:  mais  Er  et  Onan  moururent  en  la  terre  de  Chanaan.  Les  enfans  aussi  de  Pharez  furent,  Hezron,  et  Hamul.  13.  Item  les  enfans  d'Issacar,  Thola,