54:73  73  SUR  LA  SECONDE  A  TIMOTHEE.  74  voudroyent  excuser  quand  ils  sont  transportez  en  erreurs  et  en  sausses  doctrines  :  Ho,  voila,  ie  ne  suis  point  assez  sage  pour  me  garder.  Voire,  mais  si  nous  dres8ions  les  aureilles  pour  obeir  a  ce  qui  nous  est  ici  monstre,  il  n'y  a  si  rude  ne  si  idiot  entre  nous  qui  n'eust  assez  de  prudence:  comme  de  fait  Dieu  ne  veut  point  que  nous  soyons  comme  roseaux  branslans  a  tous  vents,  que  nous  soyons  comme  petis  enfans  qu'on  mene  a  la  pipee  (ainsi  que  sainct  Faul  en  parle  au  quatrieme  chapitre  des  Ephesiens):  il  veut  que  nous  soyons  asseurez  sur  sa  verite.  Et  si  on  nous  dit,  Cela  est  trop  long.  Et  il  n'y  a  que  trois  mots  que  sainct  Paul  met  ici:  il  dit  que  nous  retenions  la  foy  et  charite  qui  est  en  Iesus  Christ,  et  alors  nous  aurons  le  vray  usage  pour  profiter  en  la  doctrine.  Voila  trois  mots  seulement.  Si  on  dit,  Ho,  ils  sont  trop  obscurs.  Il  n'y  a  rien  plus  clair.  Et  cependant  nous  voyons  que  ces  povres  gens  se  laissent  mener  comme  bestes  a  leur  perdition.  Et  qui  en  est  cause:  Peuvent-ils  dire  que  Dieu  ne  leur  ait  point  monstre  le  chemin,  qu'ils  n'ont  point  cognu  ce  qui  estoit  bon?  Nenni:  tous  subterfuges  sont  ici  ostez.  Et  ainsi  advisons,  si  nous  ne  voulons  estre  inexcusables  au  dernier  iour,  de  bien  noter  ce  qui  est  ici  dit.  Et  afin  que  iournellement  nous  ne  soyons  pas  esbranlez  de  nostre  foy,  que  nous  ayons  ces  marques  qui  sont  ici  contenues.  Au  contraire,  quand  nous  ne  les  aurons,  il  nous  en  adviendra  ainsi  que  nous  voyons  en  beaucoup,  et  quasi  a  la  plus  part.  Qui  est  cause  que  ceux  qui  avoyent  gouste  l'Evangile,  et  qui  avoyent  fait  semblant  d'estre  des  plus  avancez,  se  corrompent,  et  devienent  apostats,  qu'on  les  voit  estre  ennemis  tout  ouverts,  ou  bien  qu'ils  sont  desguisez  en  sorte  que  le  diable  les  tienent  la  saisis,  qu'ils  seroyent  contens  que  toute  la  parole  de  Dieu  fust  comme  ensevelie,  voire  aneantie  du  tout?  dont  vient  cela?  C'est  qu'ils  ont  bien  retenu  des  choses  qui  n'estoyent  pas  de  grande  edification,  pour  se  scavoir  gaudir  des  Papistes^  et  pour  brocarder  les  superstitions  du  monde:  mais  cependant  il  n'y  a  nul  profit  ni  en  foy,  ni  en  charite.  C'estoit  doncques  bien  raison  que  Dieu  les  bannist  de  sa  parole,  comme  il  les  en  prive.  Craignons  que  le  semblable  ne  nous  adviene,  si  nous  n'avisons  d'estre  confermez  tant  en  charite  qu'en  foy,  si  bien  que  le  diable  n'ait  nul  acces  a  nous,  et  qu'il  nous  puisse  faire  bresche,  que  nous  soyons  munis  de  tous  costez.  Voila  en  somme  ce  que  nous  avons  a  retenir  de  ce  passage.  Or  S.  Paul  adiouste  quant  et  quant,  Garde  le  depost  excellent  par  VEsprit  qui  habite  en  nous.  Ici  il  conferme  l'exhortation  qu'il  avoit  mise:  comme  s'il  disoit,  Ie  t'ay  enseigne  de  retenir  la  forme  telle  que  tu  l'as  apprinse  de  moy,  qu'il  n'y  ait  rien  de  change,  que  ce  soit-comme  un  pourtraict  tire  au