51:73  73  SUR  L'EPITRE  AUX  GALATES.  74  partie,  c'est  a  scavoir  que  nous  ne  sommes  rien.  Vray  est  que  Dieu  a  encores  laisse  des  marques  en  nous,  a  ce  qu'on  appercoive  qu'il  nous  a  eslevez  en  dignite  et  excellence  plus  haute  que  les  bestes  brutes  d'autant  qu'il  nous  a  voulu  creer  a  son  image.  Si  donc  nous  regardons  ce  que  Dieu  a  mis  a  nous,  encores  cela  doit  estre  prise:  mais  tant  y  a  qu'au  regard  de  nos  personnes  nous  ne  sommes  rien,  car  nous  sommes  obligez  du  tout  a,  luy,  et  ce  que  nous  recevons  de  bien,  est-ce  que  nous  l'ayons  merite?  Est-il  question  qu'un  chacun  s'en  loue  et  prise?  Plustost  c'est  pour  augmenter  nostre  honte,  d'autant  que  tout  ce  qu'il  y  a  en  nous  d'intelligence  de  iugement  efc  de  discretion,  cela  est  corrompu  et  perverti  par  nostre  malice.  Bref  nous  serons  comme  un  vaisseau  qui  sera  punais  et  pourri,  et  les  graces  de  Dieu  sont  comme  un  bon  vin  qu'on  mettra  dedans  le  vaisseau,  voila  donc  tout  ce  qui  sera  gaste.  Ainsi  en  est-il  de  nous.  Nous  sommes  les  vaisseaux.  Et  quels?  Infectez  de  corruption  de  peche.  Dieu  met  il  de  ses  graces  en  nous  a  ce  qu'il  en  soit  glorifie?  Est-ce  que  nous  meritions  de  en  avoir  quelque  louange  devant  les  hommes?  Mais  c'est  plustost  pour  nous  blasmer,  d'autant  que  par  nos  vices  nous  corrompons  le  bien  que  Dieu  avoit  mis  en  nous.  Et  au  reste  ce  qui  est  dit*que  nous  ne  sommes  rien,  c'est  d'autaut  que  nous  ne  pouvons  sinon  appliquer  a  mal  tout  ce  que  nous  avons  d'intelligence  et  de  raison  d'autant  que  nous  voulons  estre  reputez  sages  et  Dieu  prononce  qu'il  n'y  a  que  malice  en  nous  et  autant  que  nous  avons  de  pensees,  ce  sont  autant  de  vanitez  et  de  mensonges,  d'illusions  et  de  tromperies.  Apres,  si  nous  avons  une  volonte  par  laquelle  nous  elisions  le  bien  ou  le  mal,  ce  nous  semble,  ceste  volonte  la  est  captive  a  peche  tellement  que  nous  ne  faisons  que  batailler  a  l'encontre  de  Dieu.  Autant  en  est-il  de  tous  nos  appetis  :  et  si  nous  avons  encores  quelque  chose  qui  semble  estre  louable,  Dieu  en  distribue  a  chacun  comme  il  luy  plaist,  et  puis  il  faut  qu'il  continue  en  ce  qu'il  a  commence,  comme  nous  le  voyons  par  experience.  De  quoy  donc  se  pourra  glorifier  celuy  qui  a  un  esprit  aigu  et  subtil,  veu  que  ce  n'est  pas  luy  qui  s'est  fait  plus  excellent,  comme  s'il  estoit  luy  mesme  son  createur?  Il  faut  donc  que  nous  tenions  cela  de  Dieu,  et  que  nous  luy  en  facions  hommage.  Et  d'autre  coste  nous  voyons  ceux  qui  pensent  estre  les  plus  habiles,  ceux  mesmes  qui  sont  honorez  de  tout  le  monde,  que  quand  ils  auront  dit  un  mot,  il  ne  faut  point  repliquer  a  l'encontre:  on  verra  ceux-la  abrutis  quand  il  plaira  a  Dieu.  Ainsi  donc  concluons  que  non  sans  cause  sainct  Paul  abolit  ici  tout  ce  que  les  hommes  presument  avoir  de  vertu,  a  fin  qu'il  y  ait  une  droite  humilite,