42:73  73  SUR  LE  XL  CHAP.  DE  DANIEL.  74  qui  se  nominent  prelats  de  l'Eglise,  il  leur  crache  ici  au  visage,  il  leur  met  sa  malediction  sur  eux,  et  sur  leurs  mitres,  et  sur  leurs  crosses,  mais  cependant  il  declare  que  nous  sommes  siens,  que  tous  ceux  qui  se  conioignent  a  la  predication  de  l'Evangile,  pour  maintenir  la  purete  de  cette  doctrine,  en  invoquant  le  nom  de  Dieu,  pour  estre  gouvernes  par  son  sainct  Esprit,  et  non  point  par  les  traditions  des  hommes.  Ceux  di-ie  qui  se  viennent  ainsi  renger  a  Dieu  sont  tous  capables,  non  point  de  sacrifier  Iesus  Christ,  mais  pour  se  presenter  en  sacrifice,  et  pour  estre  participans  de  ce  sacrifice  qu'il  ha  offert  en  la  croix,  et  estans  ainsi  gouvernes  de  nostre  Dieu,  encores  que  le  secours  que  nous  sentirons  de  luy  soit  petit,  et  foible  a  l'opinion  des  hommes,  asseurons-nous  neantmoins  qu'il  nous  maintiendra  a  l'encontre  de  tous  nos  adversaires.  Or  cependant  il  nous  faut  noter  que  cela  ne  se  fera  pas  sans  persecution,  et  le  prophete  nous  console  en  cela,  que  quand  nous  verrons  les  feux  allumes,  que  nous  verrons  les  espees  desgainees,  que  nous  ne  perdions  point  courage,  mais  attendans  le  secours  de  Dieu,  un  chacun  se  conioigne  a  luy  tant  qu'il  sera  qossible.  Or  quand  nous  oions  une  telle  exhortation,  ie  vous  prie,  que  pourront  alleguer  ceux  qui  auiourd'huy  font  des  couards,  et  qui  se  destournent  de  l'Eglise  de  Dieu:  voila  Dieu  qui  sonne  la  trompette,  et  dit,  Entres  hardiment  en  mon  Eglise,  car  i'y  mettrai  mon  secours,  il  est  vray  qu'il  sera  petit  et  mesprise  du  monde,  mais  tant  y  ha  qu'il  sera  suffisant  pour  vous  fortifier,  en  telle  sorte  que  vous  pourres  vaincre  et  surmonter  toutes  les  cruautes  des  iniques.  Quand  Dieu  aura  sonne  ainsi  la  trompette  pour  assembler  tous  ceux  qui  auroient  quelque  intelligence  de  luy,  s'il  ne  tenoit  a  eux  quand  ils  se  destourneront  de  luy,  et  non  seulement  ceux-la,  mais  qu'ils  desbauchent  les  autres,  et  qu'ils  leur  facent  perdre  courage,  ie  vous  prie,  n'y  aura-il  point  une  horrible  condemnation  sur  eux?  voila  ce  que  nous  avons  a  noter,  qu'encores  que  les  persecutions  soient  meslees  parmi  le  secours  que  Dieu  nous  offre,  qu'il  ne  faut  point  pourtant  que  nous  laissions  de  le  suivre  par  tout  ou  il  nous  appele,  et  nous  faut  aussi  bien  noter  ce  qui  est  adiouste,  Qu'alors  plusieurs  s'adioindront  par  flaterie,  car  combien  que  l'Eglise  soit  meslee  des  bons  et  des  mauvais,  il  ne  faut  pas  qu'un  tel  scandale  nous  en  destourne  pourtant,  nous  voions  qu'l  en  est  autant  advenu  aux  Peres  anciens,  il  est  vray  que  cela  ne  se  pourroit  pas  deduire  tout  au  long  pour  le  present,  et  pourtant  nous  le  reserverons  a  demain,  mais  encores  pour  monstrer  en  bref  ce  qui  nous  est  declare  en  ce  passage,  connoissons  que  Dieu  ha  declare  a  tous  les  fideles,  qui  estoient  du  temps  des  Machabees  quel  secours  il  leur  vouloit  donner,  comme  s'il  disoit,  separes-vous  des  meschans,  et  ne