40:73  73  IN  EZECHIELIS  PROPH.  CAP.  11.  74  tamen  etiam  vult  negligi  a  propheta  suo  consensum  populi  illius:  quia  scimus  quam  insolenter  iactaverint  Israelitae  se  esse  sacrum  Dei  populum  et  peculiarem  :  eodem  scilicet  modo  quo  nunc  exsultant  papistae,  tunc  proterviebat  contra  omnes  prophetas.  Et  ideo  diligenter  notandus  est  hic  locus,  quia  hodie  multi  fere  evanescunt  ubi  prodeunt  in  medium  magnifici  illi  tituli.  Sed  sciamus  esse  meros  fumos,  quibus  Satan  nobis  perstringere  oculos  conatur,  dum  falso  obiicit  Dei  et  ecclesiae  nomen.  Debemus  quidem  ea  modestia  et  veneratione  excipere  quidquid  a  Deo  profectum  est,  ut  simul  atque  in  medium  prodit  nomen  eius,  nos  penitus  afficiat:  sed  interea  prudentia  opus  est  ad  discernendum,  ne  scilicet  ubi  Satan  per  ludibrium  nomen  Dei  ingerit,  obstupescamus.  Afferenda  igitur  est  discretio,  cuius  regulam  hic  nobis  Deus  ostendit.  Nam  si  certo  persuasi  sumus,  a  Deo  esse  quam  sequimur  doctrinam  et  profitemur,  possumus  tuto  non  modo  cunctos  mortales,  sed  etiam  angelos  ipsos  quasi  e  sublimi  despicere.  Nulla  enim  est  tanta  excellentia,  supra  quam  non  emineat  Dei  veritas.  Ergo  quum  olim  Israelitae  praetexuerint  se  esse  Dei  populum,  et  insignibus  ecclesiae  ornati  fuerint,  tenendum  est,  nomen  ecclesiae  esse  frivolum,  ubi  hypocritae  in  ea  dominantur,  vel  potius  exercent  impiam  tyrannidem,  et  sese  Deo  eiusque  doctrinae  opponunt.  Et  hodie  possumus  locum  hunc  torquere  adversus  papistas,  imo  dirigere,  quoties  obiectant  fumosos  illos  ecclesiae  catholicae  et  sponsae  Christi  titulos:  nempe  dictum  semel  fuisse  a  Deo  ipso,  non  debere  nos  esse  rebelles,  quamvis  tota  domus  Israel  rebellis  sit:  hoc  est  quamvis  conspirent  inter  se  ad  diabolicam  contumaciam  quicunque  obtendunt  Dei  nomen,  non  tamen  spectandum  nobis  esse  quid  illi  faciant,  ut  subscribamus  impiae  eorum  conspirationi.  Idem  legimus  apud  Isaiam  cap.  8,  12:  Ne  dixeris,  Conspiratio,  in  quibuscunque  populus  iste  dicit,  Conspiratio:  ne  timorem  eorum  timueritis  aut  formidaveritis,  sed  sanctificate  Dominum  exercituum.  Quem  locum  etiam  citat  Petrus  (1.  Ep.  3,  14.  15),  quia  tunc  Iudaei,  qui  pertinaciter  oppugnabant  evangelium,  labefactabant  infirmos  sua  iactantia,  quum  dicerent  se  esse  ecclesiam,  et  tamen  reiicerent  et  abominarentur  novam  doctrinam,  quae  tunc  proferebatur:  citat  Petrus  locum  illum  prophetae,  nempe  quamvis  domus  Israel  impie  conspiret  adversus  Deum,  spernendam  esBe  talem  contumaciam.  Postea  adiungit  propheta,  Ecce  ego  et  pueri  quos  mihi  dedit  Deus  in  signum  et  portentum.  Dicit  ergo  pauculos  illos,  qui  pure  Deum  colebant  et  se  subduxerant  a  communi  impietate,  fuisse  similes  portentis,  et  habitos  fuisse  quasi  monstrosos  homines.  Accommodat  autem  autor  epistolae  ad  Hebraeos  (2,  13)  locum  illum  ad  regnum  Christi,  nec  frustra.  Nam  hodie  quoque  sumus  in  portentum  Dei  hostibus,  qui  sese