39:73  73  IN  IEREMIAM.  CAR  XXXIII.  74  ac  si  vellent  totum  mundum  pervertere,  ut  non  differrent  amplius  tenebrae  a  luce.  Ergo  tunc,  inquit  ,  abolebitur  foedus  meum  cum  Davide  servo,  ut  non  sit  filius.  Repetit  quod  dixerat,  nempe  fieri  non  posse,  quin  posteritas  Davidis  regnum  obtineat,  quod  scimus  in  Christo  fuisse  impletum.  Solium  Davidis  nominat  quod  prius  dixerat  solium  domus  Israel:  sed  eodem  sensu.  Solium  enim  domus  Israel  vocatur,  quia  relative  se  habent  rex  et  populus:  deinde  quia  in  publicam  salutem  regnabant  posteri  Davidis,  non  autem  sua  causa.  Addit,  et  cum  Levitis  sacerdotibus  ministris  meis.  Vocaverat  Davidem  servum  suum,  nunc  vocat  etiam  Levitas  suos  ministros.  Sed  m&f,  verbum  est  satis  vulgare.  Et  passim  occurrit  apud  Mosen,  ubi  agitur  de  levitico  sacerdotio,  pro  ministrare  accipitur.  Subiungit,  22.  Sicut  non  numeratur  exercitus  coelorum,  et  non  mensuratur  (in  futuro  tempore  ponuntur  haec  verba,  sed  ita  resolvi  debent,  sicuti  non  potest  numerari  exercitus  coelorum,  et  non  potest  modum  habere,  T1U  significat  metiri:  mensurare  non  est  latinum  verbum,  quanquam  cogimur  uti  :  sicuti  ergo  non  mensuratur)  arena  maris:  sic  multiplicabo  semen  Davidis  servi  mei,  et  Levitarum  ministrorum  meorum  (non  dicit  sicuti  proximo  versu  uno  verbo  THIPD:  sed  dicit  WN  VHiPu,  hoc  est,  qui  ministrant  mihi:  sed  idem  est  sensus).  Initio  versus  est  aphaeresis,  quia  particula  similitudinis  subaudienda  est.  ittfN  enim  ponitur  pro  itittO  :  sicuti  non  potest  numerari  exercitus  coelorum,  neque  arena  maris,  ita  promittit  Deus  se  multiplicaturum  Davidis  semen,  et  ipsos  etiam  Levitas.  Haec  promissio  Abrahae  data  ad  totum  populi  corpus  spectabat.  Quum  enim  iussus  est  Abraham  egredi,  et  coelum  adspicere,  sic  promisit  Deus,  numera  stellas  si  potes,  et  arenas  maris,  sic  erit  semen  tuum.  Videmus  ergo  benedictionem  illam  spectasse  ad  totum  Abrahae  semen,  praesertim  ad  duodecim  tribus.  Nunc  autem  restringitur  ad  familiam  Davidis,  et  ad  tribum  leviticam.  Caeterum,  notanda  est  ratio  quam  nuper  attigi:  salutem  populi  fuisse  fundatam  in  regno  et  sacerdotio.  Quoniam  ergo  non  sibi  privatim  dominabantur  reges,  neque  Levitis  data  fuerat  sacerdotalis  dignitas  in  privatum  commodum,  sed  respectu  totius  populi:  ita  nunc  per  synecdochen  designat  propheta  totum  populum  fore  salvum,  quum  florebit  regia  dignitas  et  sacerdotalis.  Non  ergo  quidquam  diminuitur  ex  Dei  promissione  ac  si  non  essent  multiplicandae  aliae  tribus:  sed  quod  testatur  Ieremias  de  familia  Davidis  et  tribu  levitica  extenditur  ad  totam  ecclesiam  promiscue.  Sed  hic  non  abs  re  specialis  fit  mentio  Davidis  et  Levi:  quia  ut  iam  dictum  fuit,