35:73  73  IOB  CHAP.  XXXIII.  74  car  il  nous  ouvre  aucunefois  les  aureilles,  afin  que  nous  soyons  contraints  de  sentir  que  c'est  luy  qui  parle:  mais  cependant  nous  ne  laissons  pas  d'estre  obstinez,  de  repousser  la  doctrine  et  les  corrections  qu'il  nous  fait,  et  de  ne  recevoir  nul  chastiment  de  luy  pour  nous  amender.  Il  y  a  une  autre  ouverture  d'aureilles  qui  est  meilleure:  c'est  quand  Dieu  amollist  nos  coeurs,  ec  que  nous  recevons  volontairement  ce  qu'il  nous  dit,  et  que  nous  sommes  attentifs  a  nous  addonner  du  tout  a  sa  doctrine.  Quand  il  est  ici  dit,  que  Dieu  ouvre  les  aureilles,  ce  n'est  pas  a  dire  que  tous  indifferemment  se  rendent  dociles  a  luy,  et  que  tous  soyent  disposez  a  luy  obeir.  Nenny:  mais  il  est  parle  tant  des  reprouvez  comme  des  enfans  de  Dieu.  Car  les  reprouvez  auront  bien  quelque  ouverture  d'aureilles:  voire  en  despit  de  leurs  dens  il  faut  qu'il  sentent  que  Dieu  parle  a  eux:  mais  pource  qu'ils  repoussent  ceste  pensee-la,  et  la  mettent  sous  le  pie,  ils  demeurent  tousiours  comme  sourds.  Cependant  les  bons  en  font  leur  profit,  ils  cognoissent  qu'il  n'est  point  question  de  se  rebecquer  a  rencontre  de  Dieu.  Or  quand  Eliu  adiouste,  Que  Dieu  seelle  son  instruction,  il  parle  de  ceux  qui  sont  si  durs  a  l'esperon,  et  si  revesches  que  Dieu  ne  les  peut  donter  par  sa  parole.  Ceux-la  donc  qui  repoussent  ainsi  toute  doctrine,  il  faut  qu'ils  oyent  Dieu  parler  d'une  autre  guise:  c'est  assavoir  qu'ils  soyent  batus,  et  qu'a  grand  coups  Dieu  les  instruise:  et  leur  monstre  qu'il  est  maistre  par  dessus  eux.  Voila  donc  comme  ce  passage  doit  estre  entendu.  Cependant  notons  bien  ceste  facon  de  parler  dont  use  Eliu:  c'est  que  Dieu  signe  ou  seelle  son  instruction  par  chastimens.  Car  par  cela  il  monstre  que  les  chastimens  sont  pour  rendre  l'instruction  authentique,  quand  les  hommes  la  reiettent,  ou  qu'ils  n'en  tienent  conte:  et  cela  ne  pourroit  estre  sinon  que  l'instruction  de  parole  fust  coniointe  avec  les  chastimens  de  Dieu.  Car  si  Dieu  frappoit  tant  seulement,  et  qu'il  n'envoyast  nulle  cognoissance  de  sa  volonte,  que  seroit-ce?  Il  faut  donc  qu'en  fra'ppant  il  nous  instruise.  Et  pourquoy?  Si  un  pere  bat  son  enfant,  et  qu'il  le  tire  par  les  cheveux,  et  qu'il  le  foule  au  pie,  et  qu'il  ne  luy  sonne  mot:  l'enfant  sera  la  tout  esperdu,  il  ne  sait  a  qui  le  pere  en  veut,  et  pourquoy  ceste  colere  luy  est  venue:  cela  donc  ne  servira  de  rien  a  l'enfant.  Mais  si  le  pere  luy  dit,  Meschant  garcon,  regarde  que  tu  as  fait,  et  sur  cela  qu'il  frappe  dessus  :  l'enfant  cognoist  que  l'instruction  du  pere  luy  est  a  profit,  et  d'autant  qu'il  n'a  point  obei  comme  il  devoit,  il  cognoist  sa  faute:  Voila  mon  pere  qui  seelle  l'instruction  qu'il  m'avoit  donnee,  pource  que  ie  ne  l'ay  point  receue  de  simple  parole.  Ainsi  Dieu  en  fait-il  envers  les  hommes:  non  pas  qu'il  face  ceste  grace  a  tous,  que  sa  verite  leur  soit