33:73  73  IOB  CHAR  L  74  quelle  ingratitude  sera  ce  si  nous  en  confessons  moins  que  Satan,  qui  par  ses  mensonges  ne  demande  sinon  d'obscurcir,  voire  d'aneantir  du  tout  la  grace  de  Dieu,  afin  qu'elle  ne  soit  point  cogneue?  Ainsi  donc  nous  voyons  que  ceux  qui  ne  pensent  point  a  ceste  protection  de  Dieu,  sont  pires  que  le  diable,  et  faut  bien  qu'ils  soyent  abrutis,  voire  ensorcelez  du  tout.  Voila  quant  a  ce  mot.  Il  est  dit  consequemment,  Que  Dieu  a  permis  a  Satan,  de  faire  ce  gue  bon  luy  sembleroit  sur  tous  les  biens  de  Iob,  moyennant  qu'il  ne  touchast  point  a  sa  personne.  Ici  de  prime  face  on  pourroit  estre  esbahi,  comment  Dieu  permet  ainsi  Iob  son  serviteur,  a  l'appetit  de  Satan:  faut-il  que  le  diable  ait  ce  credit  envers  Dieu,  que  quand  il  demandera  licence  de  nous  malfaire,  Dieu  luy  ottroye?  Et  il  semble  qu'il  luy  favorise,  il  semble  qu'il  se  ioue"  cependant  de  nous  comme  d'une  pelotte.  Mais  notons  que  quand  Dieu  a  permis  ceci  a  Satan,  ce  n'a  pas  este  pour  luy  gratifier,  il  n'a  point  este  esmeu  de  faveur  qu'il  luy  portast:  mais  Dieu  avoit  ordonne  cela  en  son  conseil  :  et  il  n'a  point  este  esmeu  par  la  requeste  de  Satan,  ni  induit  a  souffrir  que  Iob  fust  ainsi  afflige:  il  l'avoit  desia  ainsi  decrete  en  son  conseil,  quand  Satan  n'eust  sonne  mot,  qu'il  n'eust  point  fait  une  telle  demande,  si  est-ce  que  Dieu  vouloit  affliger  son  serviteur,  et  le  vouloit  pour  iuste  cause,  laquelle  il  nous  a  manifestee  :  mais  quand  elle  nous  seroit  incognue,  si  faudroit-il  baisser  la  teste,  et  dire,  que  Dieu  est  iuste  et  equitable  en  tout  ce  qu'il  fait.  Voila  donc  le  premier  article  que  nous  avons  a  noter,  c'est  assavoir  que  Dieu  n'a  point  ici  exauce  Satan  comme  s'il  eust  este  esmeu  de  ses  requestes:  mais  de  son  bon  gre,  voulant  affliger  Iob,  il  a  ottroye  a  Satan,  ce  qu'il  lui  demandoit:  ouy  pour  despiter  Satan,  et  pour  avoir  un  plus  grand  triomphe  contre  luy,  en  le  rendant  confus.  Car  Satan  faisoit  bien  son  conte  que  Iob  maudiroit  Dieu  en  face,  c'est  a  dire,  qu'il  blasphemeroit  a  bouche  ouverte  quand  il  seroit  ainsi  battu  rudement.  Et  pourquoy  cela?  car  Satan  regarde  quels  nous  sommes,  c'est  assavoir,  que  nous  sommes  tantost  escoulez  comme  eau,  que  toute  nostre  vertu  n'est  rien.  Or  cependant,  il  n'apprehende  point  la  grace  de  Dieu,  combien  elle  est  forte  et  invincible  en  nous  :  il  est  vray  qu'il  la  sent,  et  Pexperimente  maugre  qu'il  en  ait,  mais  cependant  si  est-ce  qu'il  ne  la  cognoist  point.  Et  voila  comme  il  est  abuse:  voila  sur  quoy  il  fait  son  conte,  que  quand  il  pourra  avoir  son  conge  de  nous  tourmenter,  nous  serons  bien  tost  vaincus,  nous  serons  incontinent  engloutis  de  tristesse,  et  que  estans  desesperez,  nous  blasphemerons  Dieu.  Voila  ce  que  Satan  espere,  et  ce  qu'il  pretend.  Voire:  mais  Dieu  luy  resiste,  et  se  moque  de  ce  qu'il  avoit  ainsi  espere,  car  il  met