31:73  73  PSALMUS  VI.  74  PSALMUS  YI.  ARG.  David  manu  Dei  afflictus,  quia  se  agnoscit  iram  Dei  sua  culpa  provocasse,  ut  levationem  impetret,  peccatis  suis  veniam  dari  postulat,  simulque  deplorat,  si  e  medio  tollatur,  Dei  laudandi  facultatem  sibi  ablatum  iri.  Deinde  recepta  fiducia,  Dei  gratiam  celebrat,  sermonemque  ad  hostes  convertit,  qui  eius  malis  insultaverant.  1.  Praefecto  in  Neginoth  super  octavam,  canticum  Davidis.  Cantici  nomen  ostendit,  Davidem,  postquam  liberationem  a  malis  quae  deplorat,  adeptus  fuerat,  sui  doloris  affectus  hoc  Psalmo  complexum  esse,  quale  vero  fuerit  castigationis  genus,  incertum  est.  Nam  qui  restringunt  ad  morbum,  rationem  cur  ita  sentiant,  satis  firmam  non  adducunt.  Insistunt  in  verbo  *?DK,  quod  aegrotare  quidem  significat,  sed  metaphorice  hic  accipi  magis  probabile  est.  Obiiciunt,  Ezechiam,  ubi  a  morbo  convaluit,  de  morte  idem  cecinisse.  Atqui  Psalmo  116,  ubi  nulla  fit  morbi  mentio,  eadem  querimonia  in  persona  totius  ecclesiae  legitur.  Quanquam  autem  ex  his  verbis  elicimus,  Davidem  in  ultimo  discrimine  versatum  esse:  fieri  tamen  potest  ut  alio  afflictionis  genere  quam  corporis  morbo  laboraverit.  Quare  sumamus  quod  certius  est,  dura  aliqua  clade  fuisse  percussum,  vel  inflictam  fuisse  poenam,  quae  mortis  tenebras  undique  eius  oculis  offunderet.  'Illud  quidem  tenendum  est,  non  eodem  quo  precatus  est  articulo  Psalmum  fuisse  compositum:  sed  quas  in  periculis  et  tristitia  preces  conceperat,  postea  data  relaxatione,  in  monumentum  fuisse  ab  eo  digestas:  ideoque  moerorem  cum  quo  aliquamdiu  luctatum  fuisse  certum  est,  cum  posteriori  laetitia  coniungit.  Quantum  ad  vocem  Octavae  spectat,  quia  alibi  diximus  n}V!2  organum  musicum  esse,  nescio  an  conveniat  citaram  octo  chordarum  notari:  facile  igitur  patior  referri  ad  tonum,  ut  certum  cantus  discrimen  designet.  Quanquam  in  re  obscura,  et  levis  etiam  momenti,  liberam  cuique  coniecturam  relinquo.  2.  Iehova,  ne  in  furore  tuo  arguas,  ine,  et  ne  in  ira  tua  corripias  me.  Quamvis  malum  forte  ab  hominibus  inflictum  esset,  prudenter  David  sibi  cum  Deo  negotium  esse  reputat.  Male  enim  in  suis  aerumnis  proficiunt  quibus  non  statim  occurrunt  sua  peccata,  ut  se  iram  Dei  promeritos  fuisse  sentiant.  Et  tamen  videmus  quantus  torpor  omnes  fere  occupet  in  hac  parte,  nam  quum  se  miseros  esse  clamitent,  ad  manum  ferientem  vix  centesimus  quisque  respicit.  Quare  undecunque  proveniant  mala,  discamus  protinus  sensus  nostros  ad  Deum  referre,  eumque