27:73  73  SUR  LE  DEUTER.  CHAP.  XL  74  nez  par  la  parolle  de  Dieu,  afin  de  mieux  apprehender  sa  main  et  sa  vertu.  Exemple:  Si  iamais  nous  n'avions  rien  leu  en  l'Escriture  saincte,  et  que  cependant  Dieu  nous  delivrast  de  quelque  affliction,  il  est  vray  qu'encores  de  nostre  sens  naturel  nous  serions  admonnestez  de  penser  que  nous  sommes  d'autant  redevables  a  Dieu:  mais  quand  nous  aurons  este  exercez  en  l'Escriture  saincte,  et  que  la  nous  aurons  veu  que  Dieu  se  reserve  les  issues  de  mort,  que  c'est  a  luy  de  nous  secourir,  voire  d'une  facon  estrange,  quand  il  semble  que  tout  soit  perdu:  que  quand  nous  l'aurons  invoque,  il  exaucera  nos  gemissemens:  si  cela  s'accomplit,  d'autant  que  nous  sommes  enseignez  de  longue  main  de  ce  que  maintenant  nous  avons  experimente,  la  bonte  de  Dieu  nous  est  plus  aisee  a  cognoistre.  Et  pourquoy?  Car  la  parolle  qui  en  a  precede,  nous  est  comme  une  lampe  pour  nous  esclairer.  Nous  sommes  de  nostre  nature  comme  aveugles.  Il  est  vray  que  Dieu  nous  illumine  par  son  S.  Esprit:  mais  encores  nous  sommes  en  tenebres,  et  ne  voyons  pas  deux  doigts  devant  nous:  mais  quand  Dieu  nous  enseigne  par  sa  parolle,  voila  comme  une  lampe  qui  nous  guide,  et  nous  monstre  le  chemin.  Notons  bien  donc,  que  pour  bien  faire  nostre  profit  de  toutes  les  graces  que  Dieu  nous  distribue,  qu'il  est  bon,  voire  necessaire,  que  nous  ayons  memoire  de  ses  promesses,  et  que  nous  facions  comparaison  de  l'une  a  l'autre.  Dieu  nous  avoit  promis,  maintenant  il  l'a  fait:  nous  voyons  ici  un  tesmoignage  qu'il  est  tousiours  fidele  en  ce  qu'il  dit,  et  qu'on  peut  bien  s'appuyer  sur  *sa  verite.  C'est  ce  que  Moyse  nous  monstre  en  ce  passage,  quand  il  ne  parle  point  simplement  de  la  grande  multitude  en  laquelle  le  peuple  avoit  este  augmente:  mais  il  dit,  que  Dieu  l'a  multiplie  comme  les  estoilles  du  ciel,  afin  qu'un  chacun  pense  a  la  promesse  qui  estoit  notoire,  et  cogneue  entre  eux,  et  qu'ils  se  conferment,  d'autant  que  Dieu  s'estoit  ainsi  acquitte  envers  son  serviteur  Abraham:  et  qu'un  chacun  regarde:  II  est  vray  que  nous  devrions  bien  recevoir  la  simple  et  pure  parolle  de  Dieu,  encores  que  l'effect  n'apparust  pas:  mais  maintenant  que  Dieu  a  conioint  sa  main  avec  sa  bouche,  qu'il  a  monstre  un  vray  tesmoignage  de  sa  presence  devant  nos  yeux,  qu'il  n'a  point  voulu  decevoir  l'esperance  de  ses  serviteurs:  cognoissons  que  nostre  Dieu  a  le  soin  de  nous,  et  qu'il  ne  nous  a  point  mis  en  oubli  du  temps  que  nous  avons  este  en  Egypte.  Car  du  temps  que  le  peuple  a  la  demeure,  c'estoit  comme  une  espece  de  sepulchre:  qu'il  sembloit  que  Dieu  eust  amorti  toutes  ses  promesses.  Quand  il  retira  Abraham  du  pays  de  sa  naissance,  il  luy  dit:  Ie  te  donne  tout  ce  pays,  et  toute  son  estendue  a  toy,  et  a  ta  race.  Et  cependant  voila  Abraham  qui  y  habite  comme  un  povre  estranger,  oo  le  chasse,  on