26:73  73  SUR  LE  DEUTER.  CHAP.  III.  74  moyens  nous  sembleront  impossibles,  Dieu  les  trouvera,  et  surmontera  aussi  tout  ce  qui  luy  est  contraire  quant  au  monde:  que  tout  cela  ne  fera  point,  qu'il  n'amene  a  sa  perfection  le  tout,  et  qu'il  n'execute  tout  son  conseil.  Mais  pour  recueillir  en  somme  la  doctrine  qui  est  contenue  en  ce  passage:  notons  que  ce  n'est  point  sans  cause  que  Moyse  s'adresse  a  Iosue.  Car  combien  que  la  doctrine  convienne  a  tout  le  corps  du  peuple:  toutesfois  il  falloit  que  Iosue  fust  exhorte  comme  le  chef  et  comme  capitaine  du  peuple.  Car  il  pourroit  avenir  qu'un  peuple  seroit  bien  dispose:  mais  a  faute  de  conduite  il  gastera  tout.  Comme  nous  voyons  qu'il  n'y  ha  que  dissipation,  quand  les  chefs  et  gouverneurs  ne  sont  pas  tels  qu'ils  devoyent:  voire,  combien  qu'au  peuple  on  verra  bonne  affection:  et  quand  les  choses  iront  mal,  on  orra  les  gemissemens,  qu'un  chacun  ne  demanderoit  que  d'aller  droit:  et  s'il  estoit  aux  particuliers  de  remedier  aux  maux  et  aux  vices,  ils  en  feroyent  leur  devoir.  Il  ne  faudra  que  deux  ou  trois  hommes  pour  troubler  une  republique,  quand  ils  auront  entreprins,  et  que  le  Diable  les  pousse,  sinon  que  les  conducteurs  y  mettent  ordre.  Et  pourtant  ce  n'est  point  sans  cause  que  Moyse  notamment  s'addresse  a  Iosue.  Car  cela  emporte  tant  et  plus,  comme  nous  avons  dit,  que  ceux  qui  sont  en  charge  publique  soyent  bien  affectionnez  pour  conduire  tout  le  corps.  Mais  il  en  sera  parle  encores  plus  amplement:  ie  ne  fay  que  toucher  la  chose  en  bref,  pour  avoir  la  conclusion  sommaire  de  ce  passage.  Au  reste,  quand  il  est  dit,  que  Dieu  qui  a  desconfit  Sehon  roy  des  Amorrheens,  et  Og  roy  de  Basan,  fera  le  semblable  a  tous  les  royaumes  de  la  terre  quHl  a  promise  a  Abraham:  notons  (comme  i'ay  dit)  que  puis  que  Dieu  nous  a  fait  sentir  ses  graces,  qu'il  nous  donnera  tousiours  courage  pour  l'avenir,  afin  que  nous  ne  doutions  point  qu'il  ne  poursuyve  tousiours:  et  si  nous  avons  experimente  que  vaut  sa  vertu,  que  nous  soyons  asseurez  iusques  a  la  fin:  et  qu'en  faisant  ce  qu'il  nous  commande,  nous  ne  doutions  point  qu'il  ne  donne  bonne  issue  et  heureuse  a  toutes  nos  entreprinses,  voire  quand  elles  seront  conformes  a  sa  volonte.  Car  sans  cela  nous  serons  par  trop  ingrats  et  malins,  ensevelissant  sa  bonte  envers  nous,  et  en  fermant  les  yeux  afin  de  ne  la  point  voir.  Et  si  nous  voyons  des  mutations  qui  soyent  pour  nous  espouvanter,  retournons  a  ce  que  i'ay  dit,  c'est  qu'il  ne  nous  faut  point  mesurer  la  vertu  de  nostre  Dieu  a  ces  moyens  humains  qui  nous  troublent,  et  qui  nous  font  disputer,  pour  dire:  Comment  cela  peut-il  avenir?  comme  se  pourra-il  faire?  N'amenons  point  toutes  ces  allegations  en  avant:  car  il  nous  faut  attribuer  ceste  louange  a  Dieu,  que  si  les  choses  sont  impossibles  a  nous,  qu'il  y  ait  de  grans  dangers  a  passer,  que  les  choses  soyent  tellement